सिन्धुली,१६ भदौ
सुके सिचाई आयोजनाको बाँध कमला खोलाले बगाए सँगै कमलामाई नगरपालिका ९ वथानचौरीको धानवाली सुक्न थालेको छ । पसाउन लागेको धानमा सुक्खा लागेर धान बाली सुक्न थालेपछि बथानचौरीका किसान चिन्ति भएका छन् ।
स्थानिय कृषक चेत प्रसाद दाहालको डेढ बिघाहा जमिनमा लगाएको धानबाली सुक्न लागेको छ । पसाउन लगाको धानमा पानी लगााउन नपाउँदा धान बालि सुक्न लागे सँगै बेरुवा, गोबरा लागेको छ । ११ जनाकोे परिवार रहेको दाहालको सम्पुर्ण परिवार कृषि पेसा मै आबद्ध छन् । बर्षभरि खाने अन्न खेतमै सुक्न लागे पछि दाहाल अहिले स्थानिय सरकार सँग हारगुहार गरिरहनु भएको छ । सोहि ठाउँकै अर्का कृषक भोजराज गिरिको पनि धान लगाएको खेतमा पानी नभएको कारण पट्पट फुट्न लागेको छ । करिब १५ कठ्ठा खेतमा लगााएको धान सुकेर पहेलो हुनलागेको छ । दाहाल र गिरि त एउटा उदाहरण मात्र हुन । सुके सिचाई आयोजनाको बाध कमला खोलाले बगाए पछि बथानचौरीको तीस विगा जमिनको धानवाली सुक्न थालेको छ ।
गत साउन ७ गते कमला खोलामा आएको बाढीले बाध बगाएर कुलोमा पानी नआउने भएको छ । पसाउन लागेको धानमा प्रसस्त पानी लगाउनु पर्न समयमा बाढीले बाँध नै बगाएपछि कृषकहरु चिन्तित बनेका हुन् ।
२०७३ सालमा सिँचाई डिभिजन कार्यलय सिन्धुलीको २ करोड ७७ लाख आर्थिक सहयोगमा ५ किलो मिटर अण्डरग्राउण्ड गरेर कुलो निर्माण गरिएको थियो । सुके सिचाई आयोजनाका अध्यक्ष खोजराज बुढाथोकिका अनुसार खहरे खोलाले ६० मिटर कुलो बगाउँदा १२ लाख क्षति भएको छ । भत्किएको कुुलो नगर प्रमुख र वडा अध्यक्षले अनुगमन गरेपनि कुनै कामको सुरु नभएको बुढाथोकीले बताए ।
दिर्घकालिन रुपमा कुलो निर्माण गर्दा समय लाग्ने भएकाले तत्कालका लागि अस्थायि कुलो निर्माणका लागिे १ सय ५० वटा जालि र जेसिभिको सहायताले अस्थायि कुलो निर्माण गरिदिनका लागि कृषकहरुले माग गरेका छन् । जालि भर्नका लागि नगरपालिकाले रोक्का गरेको बालुवा गिटि उत्खनन फुकुवा गर्नपर्न अर्का एक कृषकले बताउनु भयो ।
यता कमलामाई नगरपालिकाका उपप्रमुख तथा कृषि संयोजक मन्जु देबकोटा भने यस बिषयमा बेखबर रहेको बताउनु हुन्छ । यस घटनाको बिषयमा आफुलाई कसैले खबर नगरेको उनले बताइन ।
प्रकाशित मिति:
मंगलबार, भदौ १६, २०७७, ०७:५७:००
