गठबन्धनले गर्दा गुम्यो महिलाको प्रतिनिधित्व

प्रतिनिधि/प्रदेश सभा निर्वाचन २०७९

गृहपृष्ठ
प्रतिनिधि/प्रदेश सभा निर्वाचन २०७९

गठबन्धनले गर्दा गुम्यो महिलाको प्रतिनिधित्व स्थानीय तह निर्वाचन

जीवन लामा सोमबार, जेठ ९, २०७९

राजनीतिक दलहरुको गठबन्धनका कारण दोलखामा यस पटक पनि स्थानीय तहमा महिलाको प्रतिनिधित्व खुम्चिएको छ । जिल्लाका ९ वटा स्थानीय तह मध्य दुई वटा स्थानीय तहमा महिला प्रतिनिधित्व गुमेको छ ।

गठबन्धनले अध्यक्ष र उपाध्यक्ष दुवै पदमा पुरुष उठाए पछि महिला सहभागिता खुम्चिएको हो । जिल्लाको कालिञ्चोक गाउँपालिका र गौरीशंकर गाउँपालिकाको प्रमुख र उप प्रमुख दुवै पदमा पुरुषको मात्र प्रतिनिधितव भएको छ । कालिञ्चोक गाउँपालिकामा गठबन्धनका नेकपा माओवादी केन्द्रबाट उपाध्यक्षमा कुल बहादुर बुढाथोकी (रोशन) र नेकपा एमालेबाट कविता थामी चुनाी मैदान थिए । कविता थामी पराजित भएपछि अहिले कुल बहादुर बुढाथोकी उपाध्यक्ष हुनु भएको छ । त्यस्तै गौरीशंकर गाउँपालिकामा गठबन्धन अन्र्तगत नेपाली काँग्रेसबाट उपाध्यक्षमा श्याम सुन्दर तामाङ र नेकपा एमालेबाट मुना शिवाकोटी उमेदवार बनेका थिए । अहिले मुना शिवाकोटी पराजित भएपछि श्याम सुन्दर तामाङ उपाध्यक्ष हुन भएको छ ।

गएको बैशाख ३० गते सम्पन्न स्थानीय तह निर्वाचन अन्र्तगत जिल्लाको ९ वटै पालिकाको मतगणना सकिदा यस पटकको निर्वाचनमा दुई जना उपप्रमुख र पाँच जना महिला उपाध्यक्ष बनेका हुन् । २०७४ सालको स्थानीय तह निर्वाचनमा पनि दोलखामा ७ जना उपप्रमुख/उपाध्यक्ष र २ जना पुरुष उपाध्यक्ष चयन भएका थिए । त्यत्तिबेला पनि गठबन्धनकै कारण २ वटा पालिकामा महिलाको प्रतिनिधित्व हुन सकेको थिएन् ।

यस पटक पनि भीमेश्वर नगरपालिकामा कमला बस्नेत र जिरी नगरपालिकामा कृष्णमाया बुढाथोकी उपमेयरमा नेकपा एमालेबाट पुनः निर्वाचित हुनु भएको छ । उनीहरु दुवै जनाले यसअघि उपमेयरमा एक कार्यकाल काम गरिसकेका छन् । यस पटक गठबन्धन दलले पनि तामाकोशी गाउँपालिका र भीमेश्वर नगरपालिकामा महिला उपप्रमुख उम्मेदवार उठाएका थिए । २०७४ सालको स्थानीय तह निर्वाचनमा विगु र वैतेश्वर गाउँपालिकामा २ जना पुरुष उपाध्यक्ष विजयी भएका थिए । यस पटक भने नेकपा एमाले र नेपाली काँग्रेसका उपाध्यक्षका उम्मेदवार महिलाले विगु र वैतेश्वर दुवै पालिकामा विजयी भएका छन् । विगु गाउँपालिकाको उपाध्यक्षमा नेकपा एमालेकी देविका थामी र वैतेश्वर गाउँपालिकामा नेपाली कांग्रेसकी कल्पना उप्रेती निर्वाचित हुनु भएको छ ।

नेपाली काँग्रेसबाट उपाध्यक्षमा उम्मेदवार बनेकी सिर्जना सुवेदीले तामाकोशी गाउँपालिकामा विजयी प्राप्त गर्नु भएको छ । मेलुङ गाउँपालिकाको उपाध्यक्षमा गायत्री आचार्य विजयी भएकी हुनु भएको छ । त्यस्तै शैलुङ गाउँपालिकाको उपाध्यक्षमा एमालेकै पार्वती थापाले निर्बाचित हुनु भएको छ । स्थानीय तह निर्वाचन २०७३ अन्तरगत स्थानीय तहको अध्यक्ष वा उपाध्यक्षमध्ये कुनै एक पदमा महिला अनिवार्य गरेको भए तापनि गठबन्धनमा पुरुषहरुकै हाबी भएको कारण महिलाले आफ्नो सिट गुमाउनु परेको हो । कतिपय अवस्थामा महिला उम्मेदवार कमजोर ठानिएका कारण पनि टिकट नदिएका हुन सक्छ । यदि जिल्ला समन्वय समितिमा गठबन्धन भयो पनि पुरुष हाबी हुनेछ ।

प्रकाशित मिति: सोमबार, जेठ ९, २०७९ ०८:३४

#दोलखा

प्रतिक्रिया दिनुहोस्