एमाले दोलखाको प्रचार रणनीति : टिकटक मार्फत प्रचार प्रसार

प्रतिनिधि/प्रदेश सभा निर्वाचन २०७९

गृहपृष्ठ
प्रतिनिधि/प्रदेश सभा निर्वाचन २०७९

एमाले दोलखाको प्रचार रणनीति : टिकटक मार्फत प्रचार प्रसार कार्तिक १८ बाट आक्रामक प्रचार सुरु हुने

इ दैनिक सहकर्मी बुधबार, कात्तिक १६, २०७९

चरिकोट, १६ कार्तिक

गामी मंसिर ४ गते हुने प्रतिनधि सभा र प्रदेश सभा निर्वाचनलाई लक्षित गरी नेकपा एमाले दोलखाले टिकटक मार्फत प्रचार प्रचार गर्ने भएको छ ।

सामाजिक सञ्जाल मार्फत चुनावी प्रचार प्रचारका लागि नेकपा एमाले दोलखाले तयार पारेको आधिकारिक चुनावी गीतमा टिकटक निर्माण गरी सहभागिता जनाउन नेकपा एमाले दोलखाले सबैलाई अनुरोध गरेको छ ।

नेकपा एमाले दोलखाले आमागी कातिक १८ गते सदरमुकाम चरिकोटमा आयोजना गर्ने प्रचार कार्यक्रमको शुभारम्भ समारोहमा आधिकारिक प्रचार गीत सार्वजनिक भए पछि सोही गीतमा टिकटक बनाई सामाजिक सञ्जालमा पोष्ट गर्न अनुरोध गरिएको नेकपा एमाले दोलखाका उपाध्यक्ष एवं भीमेश्वर नगरपालिकाका चुनावी कमाण्डर राजेन्द्र मानन्धरले जानकारी दिनु भयो ।

सबै भन्दा राम्रो र उत्कृष्ट टिकटक बनाउनेलाई विशेष सम्मान गरिने नेकपा एमाले दोलखाले जनाएको छ । यसै बिच नेकपा दोलखाले यही कातिक १८ गते शुक्रबारबाट आधिकारिक रुपमा प्रचार अभियान सुरु गर्ने भएको छ । हाल घरदैलो भेटघाटमा केन्द्रित रहेको दोलखा एमालेले शुक्रबारबाट जिल्लाभर आक्रामक रुपमा चुनावी सभा लगायतका प्रचार अभियान सञ्चालन गर्ने भएको छ ।

नेकपा एमाले दोलखाले आउने मंसिर महिनाको ४ गते हुने निर्वाचनको प्रचार अभियान सुरुवात विशेष समारोहका साथ गर्ने भएको छ । यहि कार्तिक १८ गते विहान ७ देखि ९ बजेसम्म सञ्चालन हुने कार्यक्रममा उम्मेदवारसँग साक्षात्कारका साथ चुनावी प्रचार गित सार्वजनिक, चुनावी भिडियो सार्वजनिक गर्ने लगायतका विभिन्न कार्यक्रम रहेको एमाले दोलखाका प्रचार विभाग संयोजक एवं जिल्ला कमिटि उपाध्यक्ष राजेन्द्र मानन्धरले जानकारी दिनुभयो ।

चरिकोटको सातदोबाटोमा हुने कार्यक्रममा आम मतदाता पार्टी नेता कार्यकर्ता लगायतको उपस्थिति रहनेछ ।

प्रकाशित मिति: बुधबार, कात्तिक १६, २०७९ १२:४२

प्रतिक्रिया दिनुहोस्