११ औं राष्ट्रपति कप जिरीमा

खेलकुद

गृहपृष्ठ
खेलकुद

११ औं राष्ट्रपति कप जिरीमा

इ दैनिक सहकर्मी बिहीबार, फागुन १५, २०८१

११ औं जिल्ला अन्तर पालिकास्तरीय राष्ट्रपति रनिङ्ग शिल्ड प्रतियोगिता जिरीमा सुरु गरिएको छ । जिल्ला खेलकुद विकास समिति दोलखाको आयोजना, जिरी नगरपालिकाको सहआयोजना र जिरी माविको व्यवस्थापनमा प्रतियोगिता आयोजना गरिएको हो ।

स्वास्थ्यको लागि खेलकुद, राष्ट्रको लागि खेलकुद भन्ने नारालाई साकार पार्नको लागि वार्षिक रुपमा राष्ट्रपति रनिङ्ग शिल्ड प्रतियोगिता आयोजना गर्दै आएको जिल्ला खेलकुद विकास समितिका अध्यक्ष आशिष घिसिङले बताउनु भयो । प्रतियोगितामा दोलखाका जिरी, भीमेश्वर नगरपालिका र वैतेश्वर, तामाकोशी, मेलुङ, शैलुङ, कालिञ्चोक, विगु र गौरीशंकर गाउँपालिकाका खेलाडी विद्यार्थीहरुको सहभागिता रहेको अध्यक्ष घिसिङले जानकारी दिनुभयो । प्रतियोगितामा छात्रछात्रा भलिबल, दौड लगायतका खेल समावेश गरिएको आयोजकले जनाएको छ । प्रतियोगिता फागुन १७ गतेसम्म चल्नेछ ।

कार्र्यक्रम उद्घाटन जिल्ला खेलकुद विकास समिति दोलखाका अध्यक्ष आशिष घिसिङको अध्यक्षता र बागमती प्रदेशका अर्थमन्त्री कुन्दनराज काफ्लेको प्रमुख आतिथ्यतामा भएको थियो । कार्यक्रममा बागमती प्रदेश सभाका सदस्य उर्मिला सुनुवार, जिल्ला समन्वय समिति दोलखाका प्रमुख बर्जुराम घतानी, जिरी नगरपालिकाका नगरप्रमुख मित्र बहादुर जिरेललगायतले मन्तव्य व्यक्त गर्नुभएको थियो ।

प्रकाशित मिति: बिहीबार, फागुन १५, २०८१ १३:५०

प्रतिक्रिया दिनुहोस्