झुलेका किसानले एक सिजनमै डेढ लाख बढीको निङरो बिक्री

तामाकोशी गाउँपालिका

गृहपृष्ठ
तामाकोशी गाउँपालिका

झुलेका किसानले एक सिजनमै डेढ लाख बढीको निङरो बिक्री

इ दैनिक सहकर्मी बुधबार, असार २५, २०८२

तामाकोशी गाउँपालिका–२ झुलेका किसानले एक सिजनमै डेढ लाख रुपैयाँभन्दा बढी मूल्यको निङरो बिक्री गर्ने गरेका छन् ।

विशेषगरी लोसेडाँडाका बस्तीहरूमा पाइने डउठे जातको निङरो साउन–भदौ महिनामा उत्पादन हुने गर्छ । स्थानीय विर्ख बहादुर तामाङका अनुसार, गत वर्ष उनीहरूकै बस्तीबाट मात्रै डेढ लाख रुपैयाँभन्दा बढीको निङरो बिक्री गरिएको थियो । “गाउँमै गाडी आउँछ, हामीले बोरामा हालेर पठाउने गरेका छौँ,” तामाङले बताउनु भयो । “बर्खायाममा खोलाघारी वरिपरि मनग्य उम्रिन्छ, हरेक घरले टिपेर काठमाडौंलगायतका बजारमा निर्यात गर्छन् ।”

निङरोलाई यहाँका बासिन्दाले तरकारीका रूपमा प्रयोग पनि गर्छन् । तर अत्यधिक मात्रामा उत्पादन हुने भएकाले बजारमा बेचेर आम्दानी गर्न थालेका हुन् । “यो त प्रकृतिले निःशुल्क दिएको उपहार हो, हामीले सदुपयोग गर्दै आएका छौँ,” तामाङले मुस्कुराउँदै भन्नु भयो ।

प्रकाशित मिति: बुधबार, असार २५, २०८२ १७:२२

प्रतिक्रिया दिनुहोस्