दलित घर परिवारलाई खाद्य सामग्री सहयोग

कालिन्चोक गाउँपालिका

गृहपृष्ठ
कालिन्चोक गाउँपालिका

दलित घर परिवारलाई खाद्य सामग्री सहयोग शनिवार वडामै पुगेर खाद्य तथा सरसफाईका सामग्री विरतण

इ दैनिक सहकर्मी आइतबार, असोज २४, २०७८

चरिकोट, २४ असोज
दोलखाको कालिञ्चोक गाउँपालिकाका ५० घर दलित समुदायका लागि खाद्य तथा सरसफाईका सामग्री बितरण गरिएको छ । कोभिड १९ बाट प्रभावित अति विपन्न दलित समुदायलाई दशैं मनाउन सहज होस भनेर लुरथर वल्र्ड फेडेरेसनसँगको साझेदारीमा हुराडेक नेपाल दोलखाले सञ्चालन गर्दै आएको कोभिड १९ प्रतिकार्य कार्यक्रम अन्र्तगत सामग्री वितरण गरिएको हो ।

दशैं तिहारलाई लक्षित गर्दै कालिञ्चोक गाउँपालिका वडा नम्बर ३, ४ र ८ का गरी ५० घर परिवारलाई सामग्री वितरण गरिएको हो । वडा कार्यालयले छनोट गरि सिफारिस गरेका अति विपन्न दलित समुदायका घर परिवारलाई चामल २५ किलो सहित, दाल, खानेतेल, नुन, पिठो र सरसफाईका सामग्री वितरण गरिएको हुराडेक नेपाल दोलखाका अध्यक्ष उद्धव पोखरेलले जानकारी दिनु भयो ।

शनिवार वडामै पुगेर खाद्य तथा सरसफाईका सामग्री विरतण गरिएको हो । हुराडेक नेपाल दोलखाका कार्यसमिति सदस्य गंगा पौडेल, कार्यकारी दिर्नेशक सुन्दर लामीछाने, प्रशासन प्रमुख शेरबहादुर भुजेल, लेखा प्रमुख कृष्ण भुजेल लगायतले खाद्य तथा सरसफाईका सामग्री तिवरण गर्नु भएको हुराडेक नेपाल दोलखाले जनाएको छ ।

प्रकाशित मिति: आइतबार, असोज २४, २०७८ १३:२२

#दोलखा

प्रतिक्रिया दिनुहोस्