राेकिएकाे विशेषज्ञ सेवा तथा शल्यक्रिया पुनः सञ्चालनमा

भीमेश्वर नगरपालिका

गृहपृष्ठ
भीमेश्वर नगरपालिका

राेकिएकाे विशेषज्ञ सेवा तथा शल्यक्रिया पुनः सञ्चालनमा निक साइमनले फर्कायो डां दंगाललाई पुन दोलखा

शिबकुमार भुजेल शनिबार, साउन १४, २०७९

चरिकोट, १४ साउन

पशुपति चौलागाईं स्मृति प्रादेशिक अस्पताल चरिकोटमा डाक्टर विनाेद दंगाल लगायत बागमती प्रदेश सरकारकाे मातहतमा रहेका केही अस्थायी करार कर्मचारीहरुकाे म्याद सकिए सँगै केही दिन देखि राेकिएकाे विशेषज्ञ सेवा तथा शल्यक्रिया पुन सञ्चालन भएको छ ।

अमेरिकी संस्था निक साइमनले डाक्टर विनाेद दंगाल सहित पाँच जना स्वास्थ्यकर्मीको खर्च सहयोग गर्ने भएपछि अस्पतालमा राेकिएकाे सेवा पुनः सुचारु भएकाे हाे । डाक्टर विनोद दंगालका अनुसार बागमती प्रदेश सरकारले अस्पतालकाे स्तराेन्नति गर्ने समय सम्म निक साइमनले आर्थिक सहयाेग दिने सम्झौता भएकाे छ ।

डाक्टर दंगालकाे नेतृत्वमा रहेकाे विशेषज्ञ चिकित्सकहरुकाे टाेलिले विगत केही वर्ष देखि यश अस्पतालमा साधारण उपचार देखि विशेषज्ञ सेवा प्रदान गर्दै आएको छ । डाक्टर दंगालकाे नेतृत्वमा पशुपति चौलागाईं स्मृति अस्पताल साविक चरिकोट अस्पतालमा मातृशिशु सेवा अन्तर्गत साधारण तथा शल्यक्रिया मार्फत गरिने प्रसुतिसेवा, हर्निया,इपेन्डिकसाइड लगायत विभिन्न सामन्य तथ जटिल राेगकाे शल्यक्रिया गर्दै आएकाे थियाे । २०७२ सालकाे विनाशकारी भुकम्प पश्चात् र विश्वव्यापी रुपमा फैलिएको काेराेना महामारीको समयमा अमेरिकी सहयोगमा सञ्चालन संञ्चालित संस्था न्याय हेल्थकाे आर्थिक तथा भौतिक सहयाेग रहेकाे अस्पतालमा डाक्टर दंगालकै नेतृत्वमा गुणस्तरीय स्वास्थ्य सेवा प्रदान गरिदै आएको थियाे । न्याय हेल्थले १० वर्षका लागि आर्थिक सहयाेग गर्ने सम्झौता भए पनि विवध कारणवस बीचमा नै सम्झौता ताेडेपछि भीमेश्वर नगरपालिकाकाे आफ्नै मातहतमा रहने गरि अस्पताल संचालन गरेर डाक्टर दंगालकै नेतृत्वमा सेवा प्रदान भईरहेको थियो ।

अस्पतालमा विशेषज्ञ सहितकाे सेवा प्रदान गर्दै आउनु भएका डाक्टर विनाेद दंगाल र बागमती प्रदेश सरकारकाे मातहतमा रहेका केही स्वास्थ्य कर्मचारीहरुकाे सेवा अवधि सम्झौता म्याद सकिए सँगै अस्पतालमा संचालित विशेषज्ञ तथा शल्यक्रिया सेवा बन्द भएकाे थियाे । विशेषज्ञ स्वास्थ्य सेवा तथा शल्यक्रिया पुन संचालनमा आएपछि दाेलखाली नागरिकहरुले विशेष प्रकारका जटिल राेग भन्दा बाहेक अन्य स्वास्थ्य सेवा पशुपति चौलागाईं स्मृति प्रादेशिक अस्पतालमा नै पाउने भएका छन ।

प्रकाशित मिति: शनिबार, साउन १४, २०७९ १०:१०

प्रतिक्रिया दिनुहोस्