अपाङ्गगता भएका व्यक्तिहरुको अधिकार सम्बन्धि छलफल कार्यक्रम सम्पन्न

कालिन्चोक गाउँपालिका

गृहपृष्ठ
कालिन्चोक गाउँपालिका

अपाङ्गगता भएका व्यक्तिहरुको अधिकार सम्बन्धि छलफल कार्यक्रम सम्पन्न

इ दैनिक सहकर्मी बिहीबार, पुस १४, २०७९

चरिकोट, पुष १४

दोलखाको कालिञ्चोक गाउँपालिकामा अपाङ्गगता भएका व्यक्तिहरुको अधिकार सम्बन्धि छलफल कार्यक्रम गत पुष सात गते सम्पन्न भएको छ । हुराडेक नेपाल दोलखाले लुथरन वर्ड फेडेरेशनको सहकार्यमा सञ्चालन गर्दै आएको सामुदायिक सशक्तिकरण र विकासका लागि स्थानीय पहल परियोजना अन्र्तगत गाउँपालिकाको ३, ४ र ८ वडामा कार्यक्रम सम्पन्न भएको हो ।

कार्यक्रममा गाउँपालिकाका वडा नम्बर ३, ४, र ८ का १ सय भन्दा बढि अपाङ्गता भएका व्यक्तिहरुको सहभागिता रहेको थियो । कार्यक्रममा सहभागिहरुलाई नेपाल बार एशोसिएसन दोलखाका अध्यक्ष तथा कानुन व्यवसायी कृष्ण बहादुर बस्नेतले अपाङ्गता भएका व्यक्तिहरुको कानुनी अधिकार, राज्यले प्रदान गर्दै आएको सेवा सुविधा, अपाङ्गता भएका व्यक्तिहरुको हक अधिकार, स्थानीय तहले प्रदान गर्नु पर्ने सेवा सुविधा, अधिकार लगाएतको बारेमा जानकारी गराउनु भएको थियो ।

कार्यक्रममा कालिञ्चोक गाउँपालिका वडा नम्बर ८ का वडा अध्यक्ष सुर्य बहादुर आर्चायले वडामा लक्षित बर्ग अन्र्तगत विनीयोजन भएको बजेट अपाङ्गता भएका व्यक्तिहरुलाई सहभागी गराएर उनीहरुको आबश्यकताको आधारमा योजना संञ्चालन गर्ने बताउनु भएको छ ।

प्रकाशित मिति: बिहीबार, पुस १४, २०७९ ०८:०८

प्रतिक्रिया दिनुहोस्