छम्बा र यार्जाङ गुम्बा उद्घाटन

गौरीशंकर गाउँपालिका

गृहपृष्ठ
गौरीशंकर गाउँपालिका

छम्बा र यार्जाङ गुम्बा उद्घाटन फोटो स्टोरी

जीवन लामा आइतबार, माघ २९, २०७९

चरिकोट, २९ माघ

दोलखाको गौरीशंकर गाउँपालिका–७ मार्वुमा रहेको छम्बा गुम्बा उद्घाटन गरिएको छ । गुम्बा समितिका अध्यक्ष लाक्पा शेर्पाको अध्यक्षतामा भएको कार्यक्रम महेश्वर गुम्बाका प्रमुख लामा छ्योक्टुल ग्याङ्खाङ रिम्पोर्छेले धार्मिक विधिअनुसार पूजा पाठसहित उद्घाटन गर्नु भएको हो ।

प्रसिद्ध गायिका आनी छोईङ डोल्मा अन्य लामा र बिशिष्ट व्यक्तिहरुको उपस्थितिमा प्राणप्रतिष्ठान सहित गुम्बाको उद्घाटन गरिएको थियो । उद्घाटन समारोहमा सांसद, जनप्रतिनिधि र सामाजिक अभियान्ता तथा स्थानीयहरुको बाक्लो उपस्थिति रहेको थियो । यस्तै बेलुकी मंगोलियन हर्ट व्याण्डका राजु लामा सहितले विशेष सांगितिक प्रस्तुती दिएका थिए ।

वि.सं.२०७६ को बुद्ध जयन्तीको अवसरमा सो गुम्बा निर्माण सुरु गरिएको थियो । छम्बा गुम्बा साढे सात रोपनी जग्गामा निर्माण गरिएको हो । उक्त गुम्बा निर्माणका लागि करिव साढे पाँच करोडमा खर्च भएको प्रमुख लामा तथा खेन्पो पेमछिरि शेर्पाले जानकारी दिनु भयो । सोही आवसरमा स्थानीय यार्जाङ गुम्बा पनि उद्घाटन गरिएको छ । उद्घाटनको रौनकलाई जीवन लामाले आफ्नो क्यामेरामा कैद गरेका छन् ।

प्रकाशित मिति: आइतबार, माघ २९, २०७९ १५:३४

प्रतिक्रिया दिनुहोस्