अहिलेकै सत्ता समिकरणनै अर्को निर्वाचनसम्म टिक्नेः प्रवक्ता सापकोटा

राष्ट्रिय खबर

गृहपृष्ठ
राष्ट्रिय खबर

अहिलेकै सत्ता समिकरणनै अर्को निर्वाचनसम्म टिक्नेः प्रवक्ता सापकोटा

इ दैनिक सहकर्मी बुधबार, वैशाख १२, २०८१

नेकपा माओवादी केन्द्रका प्रवक्ता एवम् पूर्वसभामुख अग्नी सापकोटाले अहिलेको सत्ता समिकरणनै २०८४ सालको निर्वाचनसम्म टिक्ने बताउनु भयो । प्रेस सेन्टर नेपाल जिल्ला समन्वय समिति दोलखाले चरिकोटमा आयोजना गरेको पत्रकार भेटघाटमा उक्त कुरा दाबी गर्नुभएको हो ।

पार्टी प्रवक्ता सापकोटाले नेकपा एमाले सहितको सत्ता समीकरण वामपन्थी र गैरवापन्थी दलहरुको भएको जिकिर गरे । पछिल्ला समयका विभिन्न सामाजिक सञ्जालमा अहिलेको सत्ता समिकरण टुट्ने, फुट्ने जस्ता भ्रामक प्रचारको पछि नलाग्न पनि सापकोटाले आग्रह गर्नुभयो । त्यस्तै सापकोटाले देशको परिवर्तित राजनीतिक अवस्थाले विगतको वृहत्तर कम्युनिष्ट एकताको प्रयासलाई पूरा गर्ने आधार बनेको प्रष्ट पार्नुभयो ।

अहिले मित्र रास्ट्रहरुसँग समधुर सम्बन्ध राख्ने र राष्ट्रका लागि हित हुने विषयहरुमा अडान कायम राख्न आवश्यकता रहेको धारणा व्यक्त गर्नुभएको थियो । कार्यक्रम प्रेस सेन्टर दोलखाका अध्यक्ष सुरज (अविरल) बस्नेतको अध्यक्षता र पार्टी प्रवक्ता अग्नी सापकोटाको प्रमुख आतिथ्यमा भएको थियो ।

प्रकाशित मिति: बुधबार, वैशाख १२, २०८१ १६:३८

प्रतिक्रिया दिनुहोस्