दोलखामा दुई जनालाई कोरोना संक्रमण

राष्ट्रिय खबर

गृहपृष्ठ
राष्ट्रिय खबर

दोलखामा दुई जनालाई कोरोना संक्रमण ओमिक्रोन थप फैलन नदिन मन्त्रालयको आग्रह

इ दैनिक सहकर्मी आइतबार, पुस १८, २०७८

चरिकोट, १८ पुष

दोलखाका आज दुई जना कोरोनाका नयाँ संक्रमित फेला परेको स्वास्थ्य कार्यालय दोलखाले जनाएको छ । कार्यालयले दिएको जानकारी अनुसार चरिकोट अस्पतालबाट पिसिआर को रिपोर्ट प्राप्त नभएको र पालिकाहरुमा २ जनाको एन्टिजिन परिक्षण गर्दा २ जनाको रिपोर्ट पोजेटिभ आएको स्वास्थ्य कार्यालय दोलखाले जनाएको छ ।

ओमिक्रोन थप फैलन नदिन मन्त्रालयको आग्रह

स्वास्थ्य मन्त्रालयले ओमिक्रोन थप फैलन नदिन भन्दै सबै जिल्ला, प्रदेश र स्थानीय तहलाई थप सावधानी अपनाउन निर्देशन दिएको छ ।

पछिल्लो समय कोभिडको संक्रामक भेरियन्ट ओमिक्रोन नेपालमा पनि भित्रिएकाले सबै निकायले सर्तक अपनाउन र पूर्वतयारीका साथ रहन निर्देशन दिएको हो । सबै तहमा जनस्वास्थ्यको पालना गर्न, समुदायमा जोखिम क्षेत्रहरू पत्ता लगाई परीक्षण दायरा बढाउन, कोभिड पहिचान भएकाहरूको उचित व्यवस्थापन गर्न, सीमा नाकाहरूमा प्रोटोकल अनुसारको परीक्षण तथा व्यवस्थापन गर्नलगायत निर्देशन दिएको स्वास्थ्य मन्त्रालयले जारी विज्ञप्तिमा उल्लेख छ ।

साथै भाइरसका नयाँ नयाँ भेरिययन्टहरू आउँन सक्ने सम्भावना कायमै रहेको हुँदा स्वास्थ्य मन्त्रालयको निर्देशिका र जनस्वजास्थ्य मापदण्डको पूर्णपालन गर्न तथा भीडभाडमा मास्क लगाउन र खोप लगाउन छुटेका सबैलाई समयमा खोप लगाउनसमेत सबैमा आग्रह गरेको छ ।

प्रकाशित मिति: आइतबार, पुस १८, २०७८ १५:३०

#कोरोना

प्रतिक्रिया दिनुहोस्