भूकम्पपछिको राजकुलेश्वर विद्यालय (फोटो फिचर)

भीमेश्वर नगरपालिका

गृहपृष्ठ
भीमेश्वर नगरपालिका

भूकम्पपछिको राजकुलेश्वर विद्यालय (फोटो फिचर)

जीवन लामा सोमबार, जेठ १६, २०७९

भीमेश्वर नगरपालिका वडा नं. २ दोलखा बजारस्थित राजकुलेश्वर आधारभूत विद्यालय उद्घाटन गरिएको छ । १५ औं गणतन्त्र दिवसको अवसरमा भीमेश्वर नगरपालिकाका नवनिर्वाचित मेयर इश्वर नारायण मानन्धरले एक औपचारिक कार्यक्रमकासाथ उद्घाटन गर्नुभएको थियो ।

२०७२ सालको भूकम्पले क्षतिग्रस्त बनाएको विद्यालय पुरानै शैलीमा निर्माण गरिएको हो । हेल्प नेपाल नेटवर्कद्धारा विद्यालय भवन पुनर्निर्माण गरिएको हो । यस विद्यालय निर्माणको लागि राजहिटी समाज, दोलखाले समन्वयकारी भूमिका निर्वाह गरेका थिए भने रोटरी क्लव अफ पाटन दरवार स्क्वायर आर. आई जिल्ला ३२९२ र नेप्लीज सोसाईटी अफ टेक्सासले निर्माण कार्यलाई साथ दिएका थिए । भवन ५ करोड ४५ लाखको लागतमा निर्माण गरिएको हो ।

दोलखा शहर प्राकृतिक, सांस्कृतिक र धार्मिक दृष्टिकोणले महत्वपूर्ण भएकाले पुरानै शैलीमा विद्यालय भवन निर्माण गरिएको बताउनुभयो । तीन तले अग्लो भवन भएकाले यसको छतबाट दोलखा बजार, चरिकोट लगायतका भूभागहरु दृश्यावलोकन सकिन्छ । भूकम्पपछि दोलखाका सबै स्थानीय तहमा विद्यालयहरु पुनर्निर्माण कार्य भईसकेको छ भने कतिपय विद्यालयहरु निर्माणधीन अवस्थामा छ ।
तस्बिरहरुः जीवन लामा

प्रकाशित मिति: सोमबार, जेठ १६, २०७९ ०८:१३

प्रतिक्रिया दिनुहोस्