चरिकोटलाई ‘उज्यालो सिटी’ बनाउदै नगरपालिका

भीमेश्वर नगरपालिका

गृहपृष्ठ
भीमेश्वर नगरपालिका

चरिकोटलाई ‘उज्यालो सिटी’ बनाउदै नगरपालिका

इ दैनिक सहकर्मी सोमबार, भदौ ६, २०७९

अन्य सहरको नमूना बत्ती

भीमेश्वर नगरपालिका दोलखाले उज्यालो सिटी अभियान सुरु गरेको छ । नगरपालिकाले नेपाल विद्युत प्राधिकरणको साझेदारीमा सदरमुकाम चरिकोटमा ‘स्ट्रिट लाईट’ र ‘हाई मास लाईट’ जडान हुने क्षेत्रको नगरका प्राविधिकहरुसँग छलफल गरी जडान अभियान अगाडि बढाएको छ ।
चरिकोट सातदोबाटोचोक र पशुपति मन्दिर क्षेत्रमा १६ मिटर अग्लो ‘हाई मास लाईट’ जडान कार्य आजबाटै शुरु गरिदैछ । १६ मिटर अग्लो पोलमाथि ८ वटा बत्ती जडान गरिने यो लाईटको प्रकाशलाई रिमोट कन्ट्रोलबाट घटीबढी बनाउन सकिन्छ । यसले ५० मिटरको अर्धव्यासमा १ सय मिटर परसम्म प्रकाश फाल्न सक्छ । बागमती प्रदेश भरिकै सुन्दर शहर चरिकोट र दोलखाका लागि रातमा यो असाध्यै उपयोगी हुने विश्वास लिएका भीमेश्वर नगरपालिकाका मेयर इश्वर नारायण मानन्धरले बताउनुुभयो ।
त्यस्तै चरिकोट बजारका ७५ स्थानमा यही साताबाट ‘स्ट्रिट लाईट’ जडान कार्य अघि बढ्दैछ । चरिकोट र दोलखा बजार सहितका नगरका बजार केन्द्रहरुको पर्यटन, धार्मिक, सांस्कृतिक संरक्षण, सम्वद्र्धन र आर्थिक विकासका लागि काम गरिरहेका यस अभियानले टेवा पुुग्ने मेयर मानन्धरले बताउनुुभयो । भीमेश्वर नगरको वृहत्तर विकासका लागि नगरबासीसँग निरन्तर हातेमालो गरिरहने प्रण रहेको मेयर मानन्धरले बताउनुुभयो । साथै नगरको विकासको लागि नगरबासीको महत्वपूर्ण साथ सहयोग चाहिने उहाँले बताउनुुभयो ।

प्रकाशित मिति: सोमबार, भदौ ६, २०७९ ०८:३७

प्रतिक्रिया दिनुहोस्