आकर्षक र नमूूना विद्यालयको लागि हरित विद्यालय कार्यक्रम सञ्चालन

भीमेश्वर नगरपालिका

गृहपृष्ठ
भीमेश्वर नगरपालिका

आकर्षक र नमूूना विद्यालयको लागि हरित विद्यालय कार्यक्रम सञ्चालन

इ दैनिक सहकर्मी मंगलबार, भदौ ७, २०७९

हरियाली वातावरण निर्माण गरी विद्यार्थीलाई विद्यालयमा आकर्षित गर्नको लागि हरित विद्यालय कार्यक्रम आजदेखि शुुभारम्भ गरिएको छ । स्वच्छ हावा र सुुन्दर वातावरण निर्माण गरी सबै खालका विद्यार्थीहरुलाई विद्यालयमा आउँ आउँ भन्ने वातावरण निर्माण गर्न एक विद्यालय, एक बगैंचा तथा वृहत हरित क्षेत्र बनाउने कार्यक्रम रहेको शिक्षा विकास तथा समन्वय इकाई दोलखाले जनाएको छ । एक विद्यालय, एक बगैंचा कार्यक्रमले विद्यालयको सौन्दर्य बढाउन, विद्यार्थीलाई विद्यालयको हरियाली तथा फूलबारी विकासमा अपनत्व विकास गर्न, बाल क्लव तथा इको क्लवको परिचालन गर्न र विद्यार्थीको सक्रियता बढाउनको लागि पनि यो कार्यक्रम महत्वपूर्ण रहेको जनाएको छ ।
वातावरणमैत्री र आकर्षक विद्यालय निर्माण गरी पठनपाठनमा सजिलो बनाउने रहेको छ । विद्यालयको वातावरण देख्दैमा विद्यार्थीहरु विद्यालय आउने वातावरण निर्माण गर्नुुनै हरित विद्यालयको पहिलो उद्धेश्य रहेको छ । नमूना र आकर्षक विद्यालय निर्माणको लागि हरियो वातावरण निर्माण गर्नुुपर्छ । बाहिर गेटबाट छिर्ने बित्तिकै वाह विद्यालय भन्नको लागि सुुन्दर वातावरण चाहिने शिक्षा समन्वय इकाई दोलखाका प्रमुख शंकरबाबुु श्रेष्ठले बताउनुुभयो ।
शिक्षा विकास तथा समन्वय इकाई दोलखा र डिभिजन वन कार्यालय दोलखाको संयुक्त आयोजनामा आज हरित विद्यालय कार्यक्रम शुुभारम्भ गरिएको हो । शिक्षा विकास व्यवस्थापन समिति दोलखाका संयोजक बर्जुुराम घतानीको अध्यक्षता र बागमती प्रदेशका वन तथा वातावरण मन्त्री विशाल खड्काको प्रमुख आतिथ्यतामा भएको थियो । कार्यक्रममा दोलखाका नगरपालिका, गाउँपालिकाका प्रमुुख र उपप्रमुखहरु र ८६ वटा माध्यमिक विद्यालयका प्रधानाध्यापकहरुको उपस्थिति रहेका थिए ।

प्रकाशित मिति: मंगलबार, भदौ ७, २०७९ १८:२१

प्रतिक्रिया दिनुहोस्