वडा कार्यालयको भवनको लागि स्थान टुङ्गो लाग्यो

भीमेश्वर नगरपालिका

गृहपृष्ठ
भीमेश्वर नगरपालिका

वडा कार्यालयको भवनको लागि स्थान टुङ्गो लाग्यो

कृष्ण बहादुर भुजेल मंगलबार, भदौ ५, २०८०

भीमेश्वर नगरपालिका वडा नंं. ५ को वडा कार्यालय भवन निर्माण लागि स्थान टुङ्गो लागेको छ । यस वडाको वडा कार्यालय भवन बनाउनको लागि हाल वडा कार्यालय सञ्चालन भएको स्थाननै उपयुक्त र सबैको पायक पर्ने भएकाले यसैमा भवन निर्माण गरिने भएको छ ।
आर्थिक वर्ष २०८०/०८१ को बजेटबाट भवन निर्माणका लागि ५० लाख रुपैयाँ रकम विनियोजन भएको वडाअध्यक्ष बासु श्रेष्ठले जानकारी दिनुभयो । हाल वडा कार्यालय सञ्चालन भएको स्थानमा प्राविधिक तथा अमिनीहरुबाट प्राप्त प्रतिवेदन अनुसार २ रोपनी ७ आना सार्वजनिक जग्गा भएको, प्रदेश सरकारले पनि वडाको केन्द्र भनी नामाकरण गरेको र भूगोलको हिसावले विगत लामो समयदेखि यस स्थानमा वडा कार्यालय सञ्चालन हुँदै आएकोले पनि यस स्थान उपयुक्त रहेको वडाअध्यक्ष श्रेष्ठले जानकारी दिनुभयो ।
कमिनचौरदेखि वडा कार्यालयसम्मको सडक स्तरउन्नतीका लागि यस आ.व. २०८०/०८१ मा प्रदेश सरकारले बजेट विनियोजन गरेको र अधिकांश वडा बासीहरुको सल्लाह सुझाव पनि यसै साविकको स्थानलाई उपयुक्त रहेको धारणा भएकोले निर्माणका लागि उपयुक्त देखिएको छ । यस वडा कार्यालयको भवन यसै आ.व.२०८०/०८१ मा निर्माणको लागि भीमेश्वर नगरपालिकाबाट बजेट विनियोजन भएको र वडाबासीले अनाथालय, कमिनचौर रोजे तापनि विभिन्न कारणले जग्गा लिन नसक्ने भएकोले सम्भाव्यता अध्ययन प्रतिवेदनका आधारमा राज्यले तोकेको केन्द्र हाल वडा कार्यालय सञ्चालन भएको घर अगाडि भवन बनाउने साथै हप्ताको १ दिन आईतबार चरिकोटबाट सेवा दिईरहेकोमा अर्को १ दिन थप गरी हप्ताको २ दिन चरिकोट सम्पर्क कार्यालयबाट सेवाग्राहीलाई सेवा दिने वडाबाट निर्णय भएको अध्यक्ष श्रेष्ठले जानकारी दिनुभएको छ ।

प्रकाशित मिति: मंगलबार, भदौ ५, २०८० ०९:२३

प्रतिक्रिया दिनुहोस्