बाल दिवसको अवसरमा वक्तृत्वकला प्रतियोगिता आयोजना

बिगु गाउँपालिका

गृहपृष्ठ
बिगु गाउँपालिका

बाल दिवसको अवसरमा वक्तृत्वकला प्रतियोगिता आयोजना

इ दैनिक सहकर्मी शनिबार, भदौ ३०, २०८०

बाल दिवसको अवसरमा सदन स्तरीय वक्तृत्वकला प्रतियोगिता सम्पन्न भएको छ । ५९ औं राष्ट्रिय बाल दिवस बालबालिकामा लगानीः सुनिश्चित भविश्यको थालनी भन्ने नारालाई साकार पार्नको लागि कालिञ्चोक मावि थामीचाँगुले वक्तृत्वकला प्रतियोगिता आयोजना गरिएको हो । शिक्षामा बालबालिकाको भूमिका विषयमा नेपाली र अंग्रेजी माध्यममा आयोजना गरिएको वक्तृत्वकला प्रतियोगितामा उत्कृष्ठ बालबालिकाहरुलाई पुरस्कार वितरण गरिएका थिए ।
वक्तृत्वकला लगायत विद्यालयले सामुहिक नृत्य, विभिन्न मनोरञ्जनात्मक शैक्षिक कार्यक्रम र सामाजिक लेखा परीक्षण आयोजना गरिएको कालिञ्चोक माविका प्रधानाध्यापक सुन्दर प्रकाश पाण्डेले जानकारी दिनुभयो । कार्यक्रम कालिञ्चोक मावि विद्यालय व्यवस्थापन समितिका अध्यक्ष लाल बहादुर थामीको अध्यक्षता र विगु गाउँपालिकाका अध्यक्ष सन्जीव ओलीको प्रमुख आतिथ्यतामा भएको थियो ।

कार्यक्रममा विगु गाउँपालिकाका उपाध्यक्ष देविका थामी, वडाअध्यक्ष हिरा (धनवीर) थामी, प्रधानाध्यापक सुन्दर प्रकाश पाण्डे, नेपाल थामी समाज दोलखाका उपाध्यक्ष विक्रम थामी, नेपाल थामी समाजका केन्द्रीय सदस्य नवीन थामी, पूर्ववडा अध्यक्ष खेम बहादुर खड्कालगायतले मन्तव्य राख्नु भएको थियो । विभिन्न विधामा भएको कार्यक्रमका विजेतालाई प्रमुख अतिथि तथा पालिका अध्यक्ष सन्जीव अ‍ोली र उपाध्यक्ष देविका थामीद्धारा पुरस्कार वितरण गर्नुभएको थियो ।

प्रकाशित मिति: शनिबार, भदौ ३०, २०८० १७:४९

प्रतिक्रिया दिनुहोस्