आलम्पूको तीनपोखरीसम्म पुग्न पदमार्ग निर्माण, पर्यटन प्रवद्र्धनमा टेवा

बिगु गाउँपालिका

गृहपृष्ठ
बिगु गाउँपालिका

आलम्पूको तीनपोखरीसम्म पुग्न पदमार्ग निर्माण, पर्यटन प्रवद्र्धनमा टेवा

इ दैनिक सहकर्मी बिहीबार, जेठ २८, २०८३

विगु गाउँपालिका–६ आलम्पूस्थित पर्यटकीय गन्तव्य तीनपोखरी तथा बौलाहपोखरी पुग्न सहज बनाउन पदमार्ग निर्माण गरिएको छ । धार्मिक तथा प्राकृतिक सौन्दर्यले भरिपूर्ण यी गन्तव्यसम्म पर्यटकलाई सुरक्षित र व्यवस्थित रूपमा पुग्न सहयोग पु¥याउने उद्देश्यले पदमार्ग निर्माण गरिएको हो ।

हाल आलम्पूको च्याथलदेखि आहालडाँडामाथिसम्म पदमार्ग निर्माण कार्य सम्पन्न भएको छ । आहालडाँडातर्फ करिब ९ सय मिटर पदमार्ग निर्माण भइसकेको छ भने भञ्ज्याङतर्फ काठ र ढुंगाको प्रयोग गरी ३ सय मिटरभन्दा बढी पदमार्ग तयार गरिएको छ ।

विगु गाउँपालिका–६ का वडाध्यक्ष टहल बहादुर थामीका अनुसार पदमार्गलाई चरणबद्ध रूपमा विस्तार गर्दै सकेसम्म बौलाहपोखरी, नभए कम्तीमा तीनपोखरीसम्म पु¥याउने योजना रहेको छ । बागमती प्रदेश सरकारको बजेट तथा गाउँपालिकाको अनुगमन र मूल्यांकनका आधारमा निर्माण कार्य अघि बढाइएको उहाँले बताउनुभयो ।

गाउँपालिकाले ठेक्का प्रक्रियामार्फत निर्माण गरिरहेको यो पदमार्गले पर्यटकलाई मात्र नभई स्थानीय बासिन्दाको दैनिक आवतजावतलाई पनि सहज बनाउने अपेक्षा गरिएको छ । स्थानीयवासीका अनुसार नयाँ पदमार्ग निर्माणसँगै आलम्पूको प्राकृतिक सौन्दर्य थप उजागर भएको छ । यसले गाउँको पहिचानलाई बलियो बनाउनुका साथै आन्तरिक पर्यटन प्रवद्र्धनमा महत्वपूर्ण योगदान पु¥याउने विश्वास गरिएको छ ।

पछिल्लो समय बौलाहपोखरी र तीनपोखरी क्षेत्रप्रति आन्तरिक पर्यटकको आकर्षण बढ्दै गएको छ । पदमार्ग निर्माण सम्पन्न भएपछि यस क्षेत्रमा पर्यटकको आगमन अझ वृद्धि हुने अपेक्षा गरिएको छ ।

प्रकाशित मिति: बिहीबार, जेठ २८, २०८३ १८:४६

प्रतिक्रिया दिनुहोस्