तस्करले दोलखाबाट अमेरिका पुर्याएका पुरातात्विक मूर्ति फिर्ता

भीमेश्वर नगरपालिका

गृहपृष्ठ
भीमेश्वर नगरपालिका

तस्करले दोलखाबाट अमेरिका पुर्याएका पुरातात्विक मूर्ति फिर्ता

इ दैनिक सहकर्मी मंगलबार, मंसिर १९, २०८०

तस्करहरुले नेपालबाट चोरी गरी अमेरिका पुर्याएका ४र वटा पुरातात्विक मूर्तिहरु अमेरिकीले नेपाल सरकारलाई फिर्ता गरेको छ ।
   न्यूयोर्कस्थित सरकारी वकिलको कार्यालयमा विशेष कार्यक्रम गरी नेपाली महावाणिज्य दूतावासमार्फत नेपाल सरकारलाई मूर्ति हस्तान्तरण गरिएको हो । जसमा २ वटा भैरव मास्क रहेका छन् भने शिव पार्वती (उमा महेश्वर) र दुर्गाको ढुंगाको मूर्ति रहेका छन् । ती मूर्तिहरु १६ औं र १७ औं शताब्दीका छन् । नेपालबाट चोरी गरी अमेरिका पुर्याएका नेपालका पुरातात्विक मूर्तिहरु फिर्ताका लागि सहयोग गर्न जिल्ला न्यायाधिवक्ताको कार्यालयलाई नेपाली महावाणिज्य दूतावास, न्यूयोर्कले अनुरोध गरेको थियो ।
   करिव ३० वर्ष अगाडि प्राचीन दोलखा बजारको नक्छे मि प्रधान परिवारको कुलघरबाट हराएको धार्मिक, सांस्कृतिक, ऐतिहासिक तथा प्राचीन महत्वका २ वटा हाँथ्वो देउ (भैरव मास्क) करिव १६ महिनाको निरन्तर मेहनत, प्रयासपछि अमेरिकास्थित नेपाली राजदूतबासलाई हस्तान्तरण भएको छ । उक्त मूर्तिहरु २०५० साल फागुन २२ मा र २०५१ फागुन २४ गते नक्छे मि (प्रधान परिवार) को कूलघर (आगम घर) बाट हराएको थियो । लस्ट्स् आर्टस् अफ नेपालसँगको सम्पर्क पश्चात् यी २ मूर्ति फिर्ता अभियान अगाडि बढेको हो । अनिलचन्द्र श्रेष्ठसँग संकलित पुराना तस्वीर, बालकृष्ण श्रेष्ठको बाँपिझ्याँला अनलाइन पत्रिकामा प्रकाशित लेखको आधारमा लस्ट्स आर्टस् अफ नेपालको अथक खोज तथा अनुसन्धानपछि १ वटा अमेरिकास्थित रुबिन म्यूजियममा र अर्काे १ वटा अमेरिकाकै डल्लास म्यूजियममा रहेको उक्त २ भैरव मूर्तिहरु दोलखास्थित नक्छें प्रधान परिवार कै हो भन्ने यकिन भएको थियो ।
   तत्पश्चात् नेपाल सम्पदा पुनस्र्थापना अभियानका सचिव सञ्जय अधिकारी, लस्ट्स् आर्टस् अफ नेपाल, दोलखा नक्छे मि प्रधान परिवारका पूजारी तथा जेष्ठ सदस्य यज्ञकुमार प्रधान, अनिलचन्द्र श्रेष्ठको सक्रियतामा आवश्यक प्रमाणहरु जुटाउने तथा समय–समयमा सम्बन्धित अमेरिकी निकायहरुसँग अनलाइन छलफल हुँदै आइरहेको थियो । करिव २०७९ साल भदौ महिनाबाट शुरु भएको यो मूर्ति फिर्ता अभियान अब आफ्नो घर फिर्तीको संघारमै आइपुगेको छ । यस महत्वपूर्ण कार्यका लागि अहोरात्र लागीपर्नुहुने नेपाल सम्पदा पुनस्र्थापना अभियानका सञ्जय अधिकारी, सन्जय अधिकारी र लस्टस् आर्टस् अफ नेपालप्रति दोलखालीहरु सदा ऋणी रहनेछन् रहने कुरा सामाजिक सञ्जालमार्फत अनिल चन्द्र श्रेष्ठले व्यक्त गरेका छन् ।

प्रकाशित मिति: मंगलबार, मंसिर १९, २०८० ११:५८

प्रतिक्रिया दिनुहोस्