पत्रकारको क्षमता अभिवृद्धिको लागि भीमेश्वर नगरपालिका तयार

भीमेश्वर नगरपालिका

गृहपृष्ठ
भीमेश्वर नगरपालिका

पत्रकारको क्षमता अभिवृद्धिको लागि भीमेश्वर नगरपालिका तयार

इ दैनिक सहकर्मी बिहीबार, मंसिर २१, २०८०

पत्रकारहरुको क्षमता अभिवृद्धि र सञ्चार माध्यमको विकासको लागि भीमेश्वर नगरपािलकाले सहयोग गर्ने बताएका छन् । जिल्लामा खोजमूलक पत्रकारितामा कमि आएको र पत्रकार महिलाहरु पनि घट्दै गएकाले भीमेश्वर नगरपालिकाले अािर्थक भौतिक सहयोग गर्न तयार रहेको बताएका छन् । नेपाल आदिवासी जनजाति पत्रकार महासंघ दोलखा जिल्ला शाखाले आयोजना गरिएको खोज पत्रकारिता तथा डिजिटल तालिम उद्घाटन समारोहमा भीमेश्वर नगरपालिकाका उपमेयर कमला बस्नेतले यस्तो धारणा व्यक्त गर्नुभयो । विशेष गरी पत्रकार महिलाहरुको कार्यक्रममा सहभागीता बढाउन र क्षमता विकास गराउन आफू सधैं तयार रहेको धारणा राख्दै निडर र निर्भीक बनेर पत्रकारितामा अघि बढ्न पत्रकार महिलाहरुलाई विशेष सुझाव दिनुभयो ।

नेपाल आदिवासी जनजाति पत्रकार महासंघ (फोनिज) को आयोजना र भीमेश्वर नगरपालिकाको सहयोगमा आजदेखि पाँच दिने तालिम सुरु गरिएको हो । कार्यक्रम फोनिज दोलखाका अध्यक्ष अर्जुन पाख्रीनको अध्यक्षता र भीमेश्वर नगरपालिकाका उपमेयर कमला बस्नेतको प्रमुख आतिथ्यतामा भएको थियो । कार्यक्रममा प्रेस काउन्सिल नेपालका सदस्य चिरञ्जीवी मास्के, भीमेश्वर नगरपालिका–६ का वडाध्यक्ष नवीन लामा, नेपाल पत्रकार महासंघका सचिव दिल बहादुर केसी, प्रेस चौतारी दोलखाका अध्यक्ष प्रभु जिरेल, प्रेस युनियन दोलखाका अध्यक्ष सुजन काफ्ले, नेपाली काग्रेस क्षेत्र नं. क का उपसभापति सुवास लामा र फोनिज दोलखाका कार्यसमिति सदस्य सुजन थामीले मन्तव्य व्यक्त गर्नुभएको थियो ।
फोनिज दोलखाले यसअघि पनि मेलुङ गाउँपालिकाको सहयोगमा खोज पत्रकारिता तथा डिजिटल मिडिया सम्बन्धी तालिम गरेका थिए ।

प्रकाशित मिति: बिहीबार, मंसिर २१, २०८० १७:५८

प्रतिक्रिया दिनुहोस्