गौरीशंकर क्याम्पस ४३ औं वर्षमा प्रवेश

भीमेश्वर नगरपालिका

गृहपृष्ठ
भीमेश्वर नगरपालिका

गौरीशंकर क्याम्पस ४३ औं वर्षमा प्रवेश

इ दैनिक सहकर्मी बिहीबार, चैत १५, २०८०

चरिकोटमा अवस्थित गौरीशंकर बहुमुखी क्याम्पसले ४३ औ वार्षिक उत्सव सम्पन्न गरेको छ । ४३ वर्षमा प्रवेश गरेको उपलक्ष्यमा विशेष कार्यक्रम आयोजना गरी वार्षिक उत्सव मनाइएको हो ।

क्याम्पस प्रमुख शान्त केसीले क्याम्पसको प्रगति प्रतिवेदन प्रस्तुुत गर्नुभएको थियो ।
कार्यक्रममा विभिन्न छात्रवृत्ति लगायत वार्षिक दिवसको अवसरमा आयोजना गरिएको अतिरिक्त क्रियाकलापको पुरस्कार वितरण गरिएको थियो । विद्यार्थीहरुले गीत संगीत तथा नृत्य प्रस्तुत गरेका थिए । क्याम्पसले ४३ औ वार्षिक उत्सवको अवसर पारेर क्याम्पसको शैक्षिक उन्नतिका लागि महत्वपूूर्ण भूमिका निर्वाह गरेका व्यक्तित्वहरुलाई सम्मान गरिएको थियो । क्याम्पसका संस्थापक अध्यक्ष आत्मकृष्ण श्रेष्ठ, पूर्वअध्यक्ष राजेन्द्र मानन्धर, पूर्वसहायक क्याम्पस प्रमुख सुवास रिमाललाई सम्मान गरेको छ । कार्यक्रममा उत्कृष्ट प्राध्यापक तथा कर्मचारीलाई सम्मान गरिएको छ । क्याम्पसका सहायक प्राध्यापकहरु बालकृष्ण फूँयाल र समीरा बस्नेतलाई सम्मान गरेको छ भने कर्मचारीतर्फ लेखा तथा प्रशासन प्रमुुख राजकुमार सुवेदीलाई सम्मान गरिएको क्याम्पस प्रमुख शान्त केसीले जानकारी दिनुभयो ।

क्याम्पस सञ्चालक समितिका अध्यक्ष अमृत राउतको अध्यक्षता र सञ्चार तथा सूचना प्रविधि पूर्वमन्त्री पार्वत गुरुङको प्रमुख आतिथ्यतामा भएको थियो । कार्यक्रममा मेलुङ गाउँपालिकाका अध्यक्ष हिरा कुमार तामाङ, भीमेश्वर नगरपालिकाका उपमेयर कमला बस्नेत, क्याम्पसका संस्थापक अध्यक्ष आत्मकृष्ण श्रेष्ठ, क्याम्पस सञ्चालक समितिका पूर्वअध्यक्ष राजेन्द्र मानन्धर, नेकपा माओवादी केन्द्रका प्रवक्ता पुुष्कर अधिकारी, नेकपा एकीकृत समाजवादी दोलखाका अध्यक्ष भीम प्रसाद दहाल, राप्रपा नेपालका अध्यक्ष नवराज श्रेष्ठ, विद्यार्थी प्रतिनिधि सजिना दहाल लगायतले कार्यक्रममा शुभकामना मन्तव्य व्यक्त गर्नुभएको थियो ।

प्रकाशित मिति: बिहीबार, चैत १५, २०८० १८:३०

प्रतिक्रिया दिनुहोस्