स्थापना दिवसको अवसरमा युवा संघ दोलखाद्धारा रक्तदान

भीमेश्वर नगरपालिका

गृहपृष्ठ
भीमेश्वर नगरपालिका

स्थापना दिवसको अवसरमा युवा संघ दोलखाद्धारा रक्तदान

इ दैनिक सहकर्मी मंगलबार, जेठ १, २०८१

राष्ट्रिय युवा संघ नेपालको स्थापना दिवसको अवसरमा रक्तदान कार्यक्रम आयोजना गरिएको छ । युवा संघ नेपालको ३५ औं स्थापना दिवसको अवसरमा दोलखाको सदरमुकाम चरिकोटमा आज खुला रक्तदान कार्यक्रम आयोजना गरिएको हो ।

दिवसको अवसरमा राष्ट्रिय युवा संघ जिल्ला कमिटी दोलखाको आयोजना र नेपाल रेडक्रस सोसाईटी जिल्ला शाखा दोलखाको प्राविधिक सहयोगमा रक्तदान कार्यक्रम आयोजना गरिएको हो । रक्तदानमा ३ जना महिलासहित ३७ जनाले रक्तदान गर्नु भएको युवा संघ दोलखाका अध्यक्ष सरोज बस्नेतले जानकारी दिनुभयो ।

स्वयमसेवी रक्तदाताहरुलाई नेकपा एमाले दोलखाका अध्यक्ष नर बहादुर श्रेष्ठ र नेपाल रेडक्रस सोसाईटी जिल्ला शाखा दोलखाका सभापति ईश्वरी प्रसाद दाहालले संयुक्त रुपमा प्रमाण पत्र प्रदान गर्नुभएको थियो ।

प्रकाशित मिति: मंगलबार, जेठ १, २०८१ १७:०७

प्रतिक्रिया दिनुहोस्