दौरा सुरुवाल कटिङ तथा सिलाई तालिम सुरु

भीमेश्वर नगरपालिका

गृहपृष्ठ
भीमेश्वर नगरपालिका

दौरा सुरुवाल कटिङ तथा सिलाई तालिम सुरु

इ दैनिक सहकर्मी शुक्रबार, जेठ ४, २०८१

कुनै पनि औपचारिक कार्यक्रममा मात्र लगाउने गरेका दौरा सुरुवाललाई व्यापकता दिनको लागि तालिम सुरु गरिएको छ । नेपाल कपडा तथा सिलाई व्यवसायी संघ दोलखाको आयोजना तथा भीमेश्वर नगरपालिकाको सहयोगमा दौरा सुरुवाल कटिङ तथा सिलाई तालिमको आजदेखि सुरु भएको छ ।

सीप सिकौं, आत्म निर्भर बनौं भन्ने नारालाई साकार पार्नको लागि १० तालिम सुरु गरिएको हो । गरिवी निवारणको लागि लघु उद्यम विकास कार्यक्रम (मेड्पा) अन्तरगत चरिकोटमा तालिम सुरु गरिएको हो ।

कार्यक्रम नेपाल कपडा तथा सिलाई व्यवसायी संघ दोलखाका अध्यक्ष हरिकृष्ण नेपालीको अध्यक्षता र जिल्ला समन्वय समिति दोलखाका प्रमुख बर्जुराम घतानीको प्रमुख आतिथ्यतामा भएको थियो । कार्यक्रममा महासंघका महासचिव ईश्वर कुमार नेपाली, भीमेश्वर नगरपालिकाका उपप्रमुख कमला बस्नेत, वडा नं. ६ का वडाअध्यक्ष नविन लामा, मेड्पाका सामाजिक आर्थिक विकास अधिकृत नारायण सेढाई, रेखा नेपाली, प्रशिक्षक पदम कार्की, फेन्सी संघका अध्यक्ष कृष्ण श्रेष्ठ, ईलेक्ट्रिक संघका अध्यक्ष इन्द्र प्रधान, कमिटी उपाध्यक्ष विकास नेपाली, सचिव सिताराम श्रेष्ठ, उपसचिव रविना भुजेल र व्यवासायीहरुको उपस्थितिमा कार्यक्रम सुरु गरिएको थियो ।

प्रकाशित मिति: शुक्रबार, जेठ ४, २०८१ १८:२७

प्रतिक्रिया दिनुहोस्