आयुर्वेद सेवाको प्रवद्र्धन गर्न पत्रकारसँग अन्तरक्रिया

भीमेश्वर नगरपालिका

गृहपृष्ठ
भीमेश्वर नगरपालिका

आयुर्वेद सेवाको प्रवद्र्धन गर्न पत्रकारसँग अन्तरक्रिया

इ दैनिक सहकर्मी सोमबार, असार २५, २०८१

आयुर्वेद उपचार पद्धतिप्रति जनविश्वास बढाउन पत्रकारसँग अन्तरक्रिया कार्यक्रम आयोजना गरिएको छ । आयुर्वेद तथा वैकल्पिक चिकित्सालय दोलखाको आयोजनामा एकदिने आयुर्वेद सेवाको प्रवद्र्धनको लागि पत्रकारहरुसँग अन्तरक्रिया कार्यक्रम सम्पन्न गरिएको हो ।

आर्थिक वर्ष ०८०/८१ मा आयुर्वेद तथा वैकल्पिक चिकित्सालय दोलखाले सम्पादन गरेका गतिविधिका बारे जानकारी गराईएको वरिष्ठ कविराज निरीक्षक विमल कुमार श्रेष्ठले जानकारी दिनुभयो । साथै गत आर्थिक वर्षभन्दा यस वर्ष आयुर्वेक उपचार पद्धतिप्रति बिरामी संख्यामा वृद्धि आएको कार्यक्रममा वरिष्ठ कविराज निरीक्षक श्रेष्ठले जानकारी दिनुभयो । पहिलाको तुलनामा वार्षिक रुपमा बिरामीको संख्या बढ्दै गएको छ । यस वर्ष यस चिकित्सालयबाट २३ हजार १२० जनाले सेवा प्राप्त गरेका छन् । चिकित्सालयले २३ प्रकारका औषधि निःशुल्क रुपमा वितरण गर्नुको साथै किन्नु पर्ने औषधिहरु बाहिर बजारमा भन्दा ५ देखि १० प्रतिशतसम्म छुटमा दिदैं आएका छन् । बिरामीहरुको स्वास्थ्यलाई ध्यानमा राखी चिकित्सालयले मुख्यमन्त्री स्वास्थ्य कार्यक्रम, भान्छाघर औषधालय, मेला महोत्सवमा आयुर्वेद जडिबुटी प्रदर्शनी, स्तानपान प्रवद्र्धन, योग शिविरलगायतका गतिविधिहरु सञ्चालन गर्दै आएको आयुर्वेद चिकित्सक डाक्टर सुकृती ढुंगानाले बताउनु भयो ।

कार्यक्रम आयुर्वेद तथा वैकल्पिक चिकित्सालय दोलखाका कार्यालय प्रमुख डाक्टर मनोज कुमार चौधरीको अध्यक्षता र दोलखाका प्रमुख जिल्ला अधिकारी टुवराज पोखरेलको प्रमुख आतिथ्यतामा भएको थियो । कार्यक्रममा नेपाल पत्रकार महासंघ दोलखाका उपाध्यक्ष सिर्जन कुमार घिमिरेलगायतले मन्तव्य व्यक्त गर्नुभएको थियो ।

प्रकाशित मिति: सोमबार, असार २५, २०८१ १८:१६

प्रतिक्रिया दिनुहोस्