पहिरोमा परी माथिल्लो तामाकोशी जलविद्युत आयोजनामा चार जना अझैं सम्पर्कबिहिन

बिगु गाउँपालिका

गृहपृष्ठ
बिगु गाउँपालिका

पहिरोमा परी माथिल्लो तामाकोशी जलविद्युत आयोजनामा चार जना अझैं सम्पर्कबिहिन

इ दैनिक सहकर्मी आइतबार, असोज १३, २०८१

दोलखाको माथिल्लो तामाकोशी जलविद्युत आयोजनामा पहिरोले पुरिएका चार जना अझै सम्पर्क हुन सकेको छैन ।

हिजो बिहान गेटहरु कन्ट्रोल गर्नका लागि बनाइएको दुई तले भवन माथिबाट खसेको पहिरोले दुई जना नेपाली सेना र दुई जना जलविद्युत् आयोजनामा कार्यरत कर्मचारीहरु पुरिएका थिए ।

उक्त स्थानमा उद्धार टोली पुग्न नसकेकै कारण चार जनाको अवस्था थाहा हुन नसकेको माथिल्लो तामाकोशी जलविद्युत आयोजनाका प्रमुख कार्यकारी अधिकृत मोहन गौतमले बताउनु भयो ।

हिजो बिहान ११ बजेतिर घटना भयो,’ गौतमले भने, ‘नेपाली सेनाका दुई जना र गेट–खोल्ने बन्द गर्ने कामका लागि करार सेवामा कार्यरत दुई जना कर्मचारीहरु पहिरोमा पुरिए ।’ सुरुमा एक जना सुरक्षा गार्ड पनि पहिरोमा परेको भनिए पनि अहिले सुरक्षा गार्ड पहिरोमा नपरेको खुलेको पनि प्रमुख कार्यकारी अधिकृत गौतमले बताउनु भयो ।

गौतमका अनुसार आज बिहान काठमाडौंबाट नेपाली सेनाको हेलिप्कटर आयोजना स्थलमा जाने तयारी छ । साथै पहिरोले भवन भत्काएको ठाउँसम्म पुग्नका लागि आयोजना निर्माणमा काम गर्दै आएको रोल्वालिङ कन्सट्रक्सनका उपकरण लैजाने तयारी छ ।

बेपत्ता भएकाहरूमा सुरक्षार्थ खटिएका नेपाली सेना दोलखामा रहेको गरुड दल गणका सैनिक जवान नरेन्द्र बहादुर पाल र शंकर चन्द रहेका छन् । त्यस्तै नवलपरासीको प्रतापपुर घर भई माथिल्लो तामाकोशीमा फोरम्यानको काम गर्ने ३५ वर्षीय कृष्णप्रसाद चौधरी र विगु गाउँपालिका–१ स्यालु घर भई कार्यालय सहयोगीको रुपमा कार्यरत ३० वर्षीय जयराम तामाङ रहेका छन् ।

प्रकाशित मिति: आइतबार, असोज १३, २०८१ ११:०८

प्रतिक्रिया दिनुहोस्