पढाई सँगसँगै बरिष्टा सीप

भीमेश्वर नगरपालिका

गृहपृष्ठ
भीमेश्वर नगरपालिका

पढाई सँगसँगै बरिष्टा सीप

इ दैनिक सहकर्मी बुधबार, चैत २६, २०८१

कुटीडाँडा माविका विद्यार्थीहरुलाई सीपमूलक तालिमको व्यवस्था गरिएको छ । भीमेश्वर नगरपालिका–७ वडा कार्यालयले कुटीडाँडा माविका विद्यार्थीहरुलाई बरिष्टा (कफी मास्टर) तालिम प्रदान गरिएको छ ।

पढाई सँगसँगै सीप पनि चाहिने भएकाले कक्षा ११ र १२ मा अध्ययनरत ३० जना विद्यार्थीहरुलाई तालिम प्रदान गरेको भीमेश्वर नगरपालिका–७ का वडाअध्यक्ष विनोद तामाङ तामाङले बताउनुु भयो । उच्च शिक्षा अध्ययनपछि आयआर्जनको लागि सीपमूलक तालिम आवश्यकता भएकाले आर्थिक वर्ष ०८१/८२ को बजेट तथा कार्यक्रमबाट बरिष्टा तालिम आयोजना गरिएको वडाअध्यक्ष तामाङले बताउनु भयो ।

चैत्र १७ गतेदेखि १० दिने तालिम आज सम्पन्न भएको छ । तालिम समापन समारोह वडाअध्यक्ष विनोद तामाङको अध्यक्षता र बागमती प्रदेश सभाका सदस्य भरत बहादुर केसीको प्रमुख आतिथ्यतामा भएको थियो । कार्यक्रममा भीमेश्वर नगरपालिकाका नगरप्रमुख इश्वर नारायण मानन्धर, उपप्रमुख कमला बस्नेत, कुटीडाँडा माविका प्रधानाध्यापक इश्वर चौलागाई लगायतले मन्तव्य व्यक्त गर्नुभएको थियो । तालिम प्रकाश उप्रेतीले प्रदान गर्नुभएको थियो ।

तालिम समापन समारोह स्थाल रमाइलो घर रिसोर्ट चोथाङमा सहभागीहरुले आफूले सिकेका विभिन्न प्रकारका कफि प्रदर्शनीमा राखिएका थिए । अहिले स्वदेश तथा विदेशमा समेत बरिष्टाको उच्च माग रहेको छ ।

प्रकाशित मिति: बुधबार, चैत २६, २०८१ १२:४७

प्रतिक्रिया दिनुहोस्