आर्ट वाल पेन्टिङ तालिम सुरु

भीमेश्वर नगरपालिका

गृहपृष्ठ
भीमेश्वर नगरपालिका

आर्ट वाल पेन्टिङ तालिम सुरु

इ दैनिक सहकर्मी आइतबार, वैशाख २८, २०८२

भीमेश्वर नगरपालिका–५ मा आर्ट वाल पेन्टिङ तालिम सुरु गरिएको छ । ’उद्यमशील संस्कृति, राष्ट्रको समृद्धि’ भन्ने नाराका साथ आयोजित यस तालिमको उद्देश्य स्थानीयस्तरमा कला र सिर्जनात्मकतालाई प्रोत्साहन गर्दै आयआर्जनका अवसर सिर्जना गर्नु हो ।

उद्योग तथा वाणिज्य कार्यालय दोलखाको आयोजना र भीमेश्वर नगरपालिका–५ को व्यवस्थापनमा सञ्चालन भएको तालिममा वडा नम्बर ५ का १० जना महिला र युवाहरूको सहभागिता रहेको भीमेश्वर नगरपालिका–५ का वडा अध्यक्ष वासु श्रेष्ठले जानकारी दिनुभयो । उहाँले तालिममा सहभागीहरूले १५ दिनसम्म आर्ट सम्बन्धी आधारभूत सीप हासिल गर्ने र त्यसलाई प्रयोग गरी स्थानीय रूपमा ब्यानर, साइनबोर्ड तथा वाल पेन्टिङजस्ता कार्यमार्फत आम्दानी गर्न सक्ने बताउनुु भयो ।

तालिम यही जेठ १४ गतेसम्म सञ्चालन हुनेछ । प्रशिक्षक कलाकार विक्रम तामाङका अनुसार तालिममा उर्जाशील र जिज्ञासु सहभागिताले यसलाई थप प्रभावकारी बनाएको छ । उहाँले सरल र बुझ्न सजिलो पद्धतिमा प्रशिक्षण दिइरहेको र तालिमपछि कला क्षेत्रमा लाग्न सहज हुने विश्वास व्यक्त गर्नुुभयो ।

यसैबीच, घरेलु तथा वाणिज्य कार्यालय दोलखाकै आयोजनामा १५ दिने कपाल काट्ने तालिम पनि सञ्चालन भैरहेको वडा अध्यक्ष श्रेष्ठले जानकारी दिनुुभयो ।

प्रकाशित मिति: आइतबार, वैशाख २८, २०८२ १५:५९

प्रतिक्रिया दिनुहोस्