रविन्द्र गौतमको स्मृतिमा चरिकोटमा रक्तदान

भीमेश्वर नगरपालिका

गृहपृष्ठ
भीमेश्वर नगरपालिका

रविन्द्र गौतमको स्मृतिमा चरिकोटमा रक्तदान

इ दैनिक सहकर्मी शुक्रबार, जेठ १७, २०८२

दोलखाका अग्रणी पत्रकार स्वर्गीय रविन्द्र गौतमको स्मृतिमा खुला रक्तदान कार्यक्रम सम्पन्न गरिएको छ । गौतमको चौथो स्मृति सभाको अवसर पारेर रविन्द्र गौतम स्मृति प्रतिष्ठानको आयोजनामा सदरमुकाम चरिकोटमा आज रक्तदान कार्यक्रम सम्पन्न भएको हो ।

कार्यक्रममा ३ महिला सहित १० जना स्वयमसेवीले रक्तदान गरेका छन् । रक्तदान कार्यक्रमको प्राविधिक सहयोग नेपाल रेडक्रस सोसाइटी दोलखा जिल्ला शाखा र समन्वय नेपाल स्वयम्सेवी रक्तदाता समाजले गरेको हो । शाखाका प्रतिनिधि गोकर्ण पोखरेलका अनुसार रक्तदानमा पत्रकार, कर्मचारी र सर्वसाधारणको सहभागिता रहेको थियो ।

प्रतिष्ठानले हरेक वर्ष स्मृति सभाको अवसरमा पत्रकारिता पुरस्कार, छात्रवृत्ति वितरण तथा रक्तदान कार्यक्रम आयोजना गर्दै आएको छ । स्व. गौतम भीमेश्वर नगरपालिका चरिकोट निवासी थिए । उनी तत्कालीन नेपाल पत्रकार महासंघ बागमती प्रदेश समितिका सदस्य एवम् महासंघ दोलखा शाखाका कार्यसमिति सदस्य र अन्नपूर्ण पत्रिकाका दोलखा संवाददाता समेत हुनुुहुन्थ्यो । कोभिड–१९ संक्रमणका कारण २०७८ साल जेठ १६ गते उपचारको क्रममा काठामाडौमा उहाँको असामयिक निधन भएको थियो ।

स्व. गौतमको स्मृतिमा सञ्चालित यस्ता कार्यले पत्रकारिता र सामाजिक क्षेत्रको योगदानलाई स्मरण गर्नुका साथै समाजसेवाको भावना पनि प्रवद्र्धन गर्दै आएको प्रतिष्ठानको विश्वास छ ।

प्रकाशित मिति: शुक्रबार, जेठ १७, २०८२ ०९:५१

प्रतिक्रिया दिनुहोस्