जनस्वास्थ्य कार्यालय दोलखाद्वारा जिल्लास्तरीय वार्षिक समीक्षा सम्पन्न

भीमेश्वर नगरपालिका

गृहपृष्ठ
भीमेश्वर नगरपालिका

जनस्वास्थ्य कार्यालय दोलखाद्वारा जिल्लास्तरीय वार्षिक समीक्षा सम्पन्न

इ दैनिक सहकर्मी मंगलबार, कात्तिक २६, २०८२

जनस्वास्थ्य कार्यालय दोलखाले आर्थिक वर्ष २०८१/८२ का गतिविधिहरूको जिल्लास्तरीय वार्षिक समीक्षा सम्पन्न गरेको छ । सदरमुकाम चरिकोटमा आयोजित दुईदिने कार्यक्रममा सरोकारवाला निकायका प्रतिनिधिहरूको सक्रिय सहभागिता रहेको थियो ।

जनस्वास्थ्य कार्यालय दोलखाका प्रमुख डिलेन्द्र बुढा मगरका अनुसार, कार्यक्रममा जिल्लाभर कार्यान्वयन भएका स्वास्थ्य कार्यक्रमहरूको प्रगति, चुनौती र सिकाइका विषयमा समीक्षा गरिएको थियो । साथै बागमती प्रदेश तथा स्थानीय तहहरूले सम्पादन गरेका स्वास्थ्य कार्यक्रम र आगामी आर्थिक वर्ष २०८२/८३ का योजनाबारे पनि जानकारी गराइएको थियो ।

बागमती प्रदेश स्वास्थ्य आपूर्ति व्यवस्थापन केन्द्रकी डा. अन्जु कार्कीले गत आर्थिक वर्षमा प्रदेशले सञ्चालन गरेका प्रमुख स्वास्थ्य कार्यक्रमहरू तथा आगामी वर्षका योजनाबारे विस्तृत जानकारी प्रस्तुत गर्नुभएको थियो । समीक्षात्मक कार्यक्रममा जिल्लाका नौ वटै स्थानीय तहका स्वास्थ्य शाखा प्रमुखहरूले आ–आफ्ना क्षेत्रका स्वास्थ्य गतिविधि र उपलब्धिहरूको प्रस्तुतीकरण गर्ने कार्यसूची रहेको छ ।

कार्यक्रम जनस्वास्थ्य कार्यालय दोलखाका कार्यालय प्रमुख डिलेन्द्र बुढा मगरको अध्यक्षता र जिल्ला समन्वय समिति दोलखाका प्रमुख बर्जुराम घतानीको प्रमुख आतिथ्यतामा सम्पन्न भएको हो । कार्यक्रममा दोलखाका प्रमुख जिल्ला अधिकारी नारायण प्रसाद रिसाल, पशुपति चौलागाई स्मृति अस्पताल व्यवस्थापन समितिका अध्यक्ष सुवास रिमाल, र नेपाल पत्रकार महासंघ दोलखाका अध्यक्ष प्रभु जिरेललगायतले आफ्ना धारणा व्यक्त गरेका थिए ।

प्रकाशित मिति: मंगलबार, कात्तिक २६, २०८२ १७:१७

प्रतिक्रिया दिनुहोस्