कालिञ्चोकमा मापदण्ड पुगेका विद्यालयको पनि कक्षा कटौती

कालिन्चोक गाउँपालिका

गृहपृष्ठ
कालिन्चोक गाउँपालिका

कालिञ्चोकमा मापदण्ड पुगेका विद्यालयको पनि कक्षा कटौती

इ दैनिक सहकर्मी शनिबार, वैशाख ९, २०८०

दोलखाको कालिञ्चोक गाउँपालिकाले जथाभाबी विद्यालयहरुको कक्षा कटौती र समायोजन गरेको भन्दै स्थानीय स्तरमा विरोध सुरु भएको छ । गाउँपालिकाले मापदण्ड पुगेका विद्यालयहरुको कक्षासमेत कटौती गरिदिएपछि विरोध सुरु भएको हो । गाउँपालिकाले हालै एक दर्जन बढी विद्यालयहरुको कक्षा कटौती गर्ने निर्णय गरेको थियो ।
   कालिञ्चोक गाउँपालिका वडा नम्बर ५ स्थित देउराली आधारभूत विद्यालयलाई प्राथमिक तहमा घटुवा गरिएपछि स्थानीयले वडा कार्यालयमा धर्ना र नाराबाजी गर्दै निर्णय फिर्ता लिन अल्टिमेटम दिएका छन् । उनीहरुले गाउँपालिकाको निर्णय विद्यार्थीको हित र मापदण्ड विपरित भएको भन्दै सच्याउन आग्रह गरेका छन् । अभिभावकहरुको भेलाले निर्णय नसच्चिएसम्म वडा कार्यालयमा तालाबन्दी गर्ने निर्णय समेत गरेको स्थानीय सविन थामीले जानकारी दिए ।
   गाउँपालिकाले आवश्यकता र मापदण्ड उल्लंघन गर्दै राजनीतिक पूर्वाग्रहका आधारमा अन्याय निर्णय गर्न थालेको स्थानीयको आरोप छ । ‘देउराली स्कुलमा मापदण्डले तोकेको भन्दा विद्यार्थीको संख्या धेरै बढी छ, पूर्व वडाअध्यक्ष सुवास थामीले भने, ‘बदनियत राखेर विद्यालय बन्द गर्न खोजिएको छ, यो निर्णय विद्यार्थीको भविष्यमाथि खेलवाड हो ।’
   गाउँपालिकाले हालै देउराली सहित १४ वटा विद्यालयको कक्षा कटौती गर्ने निर्णय गरेको थियो । अन्य केही विद्यालयमा पनि विद्यार्थीको चाप हुँदाहुँदै कक्षा कटौती गरिएपछि स्थानीयले विरोध गरेका छन् ।
   गाउँपालिकाले भने विद्यार्थी संख्या, शिक्षक संख्या र नजिकका अन्य विद्यालयहरुको दुरीलाई मध्येनजर गर्दै कक्षा कटौतीको निर्णय गरिएको दावी गरेको छ ।

प्रकाशित मिति: शनिबार, वैशाख ९, २०८० ११:३९

प्रतिक्रिया दिनुहोस्