आशमान वाइबाको आफ्नै धड्कन म्यूजिक भिडियो सार्वजनिक

साहित्य / कला

गृहपृष्ठ
साहित्य / कला

आशमान वाइबाको आफ्नै धड्कन म्यूजिक भिडियो सार्वजनिक

इ दैनिक सहकर्मी बुधबार, जेठ २३, २०८१

बागमती प्रदेश चलचित्र संघका अध्यक्ष आशमान वाइबाद्वारा अभिनीत म्यूजिक भिडियो ‘आफ्नै धड्कन’ सार्वजनिक भएको छ । चलचित्र विकास बोर्डको सभा हलमा पत्रकार सम्मेलन गरी सो गीत सार्वजनिक गरेका हुन् ।

गीतमा वरिष्ठ गायक स्वरूपराज आचार्यको स्वर रहेको छ । वरिष्ठ गीतकार एवम् नेपाल प्रहरीका एआइजी टेक तामाङको शब्द रहेको गीतमा पावल चाम्लिङ राईको सङ्गीत र चाँद सिंहको सङ्गीत संयोजन रहेका छन् ।

निकेश खड्काद्वारा निर्देशित भिडियोमा माया पिरतीसँग बिछोडिएको पीडा प्रस्तुत गरिएको छ । प्रेमिल भावले ओतप्रोत भए तापनि यससँगै प्रेममा उत्तरचढाव भइरहन्छ । सारा संसार भुलेर सच्चा माया गरे पनि प्रेमिकाकै अगाडि अर्को अँगालेपछि बिछोडिएको पीडा प्रेमी वाइबामार्फत देखाइएको छ ।

भिडियोमा आशमान वाइबा, नायिका केकी अधिकारी, सनम कठायतले फिचरिङ गरेका छन् । भिडियोलाई कला निर्देशक मनिक पाख्रिन र छायाङ्कन उत्तम हुमागाई, क्यामेरा टिममा युवाराज हुमागाईँ, गोकुल हुमागाईँ, मित्रनाथ योगी, रामप्रसाद हुमागाईँ र सम्पादन विकास धमलाले गरेका हुन् । सहछायाङ्कन कुलप्रसाद हुमागाईले गरेको छ ।

प्रकाशित मिति: बुधबार, जेठ २३, २०८१ १०:०४

प्रतिक्रिया दिनुहोस्