“नम्बरी सुनको सिक्री” सार्वजनिकः युवामाझ लोकप्रिय

साहित्य / कला

गृहपृष्ठ
साहित्य / कला

“नम्बरी सुनको सिक्री” सार्वजनिकः युवामाझ लोकप्रिय

इ दैनिक सहकर्मी मंगलबार, वैशाख ८, २०८३

मीन योञ्जन र सुमिना लोको स्वरमा सजिएको नयाँ तामाङ सेलो गीत “नम्बरी सुनको सिक्री” सार्वजनिक भएको छ । युवा गायक मीन योञ्जनकै शब्द सिर्जनामा तयार गरिएको यस गीतले सार्वजनिक भएसँगै श्रोता तथा दर्शकमाझ राम्रो चर्चा बटुल्न थालेको छ ।

तामाङ समुदायको मौलिक सांगीतिक स्वादलाई आधुनिक धुनसँग आकर्षक ढंगले संयोजन गरिएको “नम्बरी सुनको सिक्री” ले विशेषगरी युवापुस्तामाझ लोकप्रियता कमाउँदै गएको छ । पछिल्लो समय तामाङ सेलो संगीतमा देखिँदै आएको नयाँ प्रयोग र प्रस्तुतीकरणको उत्कृष्ट उदाहरणका रूपमा यो गीतलाई लिइएको छ ।

पदम तामाङको पहल र लगानीमा निर्माण भएको यस गीतले तामाङ समुदायको सांस्कृतिक पहिचानलाई संगीतमार्फत अझ नजिकबाट प्रस्तुत गर्ने उद्देश्य राखेको छ । मौलिकता र आधुनिकताको सन्तुलन कायम गर्ने प्रयास गरिएको गायक योञ्जनले बताएका छन् ।

गीतको संगीत संयोजन अमृत लामाले गरेका छन् भने एरेन्ज, मिक्सिङ तथा मास्टरिङको काम सानुबाबु घिसिङले सम्हालेका छन् । बौद्धस्थित फ्याफुल्ला स्टुडियोमा रेकर्ड गरिएको यस गीतको निर्माण पक्षमा निर्माता पदम तामाङ सक्रिय रूपमा संलग्न छन् । सांस्कृतिक पोशाक, परम्परागत परिवेश र भावनात्मक अभिनयमार्फत तामाङ समुदायको जीवनशैलीलाई प्रभावकारी रूपमा प्रस्तुत गर्ने प्रयास गरिएको छ, जसले गीतको सन्देशलाई अझ सशक्त बनाएको छ ।

सार्वजनिक भएको छोटो समयमै “नम्बरी सुनको सिक्री” विभिन्न डिजिटल प्लेटफर्ममा उपलब्ध भइसकेको छ । श्रोता तथा दर्शकबाट सकारात्मक प्रतिक्रिया आइरहेका छन् भने धेरैले यस गीतलाई तामाङ सेलो संगीतमा नयाँ ऊर्जा र स्वाद थप्ने प्रयासका रूपमा व्याख्या गरेका छन् ।

प्रकाशित मिति: मंगलबार, वैशाख ८, २०८३ ११:५९

प्रतिक्रिया दिनुहोस्