मेलुङ र वैतेश्वर पालिकामा ल्होछारको अवसरमा माघ १८ गते विदा

राष्ट्रिय खबर

गृहपृष्ठ
राष्ट्रिय खबर

मेलुङ र वैतेश्वर पालिकामा ल्होछारको अवसरमा माघ १८ गते विदा

इ दैनिक सहकर्मी मंगलबार, माघ १५, २०८१

मेलुङ र वैतेश्वर गाउँपालिकाले सोनाम ल्होछारको अवसरमा माघ १८ गते विदा दिने निर्णय गरेको छ । आदिवासी जनजाति तामाङले नयाँ वर्षको रुपमा हरेक वर्ष मञ्जुश्री सम्वत् २८६१ औं डूल लो माघ शुक्ल प्रतिपदाको दिन सोनाम ल्होछारको उपलक्ष्यमा दोलखाको मेलुङ र वैतेश्वर गाउँपालिकाले एक दिन सार्वजनिक विदा दिने निर्णय गरेको हो ।

गाउँपालिकाहरुले आज सूचनामार्फत माघ १८ गते सार्वजनिक विदा दिने निर्णय गरेको हो । मेलुङ गाउँपालिका अध्यक्ष हिरा कुमार तामाङ र वैतेश्वर गाउँपालिकाका अध्यक्ष छवि लामाले सूचनामार्फत स्वदेश तथा विदेशमा रहेका सम्पूर्ण तामाङ समुदायकालाई शुभकामना दिदै मेलुङ गाउँपालिका र वैतेश्वर बहुभाषिक, बहुधार्मिक, बहुसांस्कृतिक, जातीय विविधतायुक्त गाउँपालिकाका सम्पूर्ण जनतामा आपसी सद्भाव, सामाजिक एकता र भातृत्व कायम गर्ने अपेक्षा सहित वन्धुत्व, प्रेम र समताको भावना बढाई शान्त, समुन्नत तथा सम्बृद्ध वैतेश्वर बनाउन सबैमा प्रेरणा मिलोस भन्ने कामना दुवै पालिकाले सार्वजनिक सूचनामा उल्लेख गरिएको छ ।

यस गाउँपालिकाहरुले तामाङ समुदायको समेत बाहुल्यता रहेको गाउँपालिका भएकाले सोनाम ल्होछारको अवसरमा गाउँपालिकाको कार्यालय, मातहतका कार्यालय र विद्यालयहरुमा २०८१ साल माघ १७ र १८ गते २ दिन विदा दिईएको सूचनामा उल्लेख गरिएको छ ।

यस वर्ष माघ १७ गते सोनाम ल्होछारको अवसरमा राष्ट्रिय विदा दिए तापनि पनि पालिकाहरुले स्थानीय पर्वअन्तरगत थप विदा दिने गरेको छ । यस अघि पनि दुवै गाउँपालिकाले थप एक दिन विदा दिदैं आएको छ ।

प्रकाशित मिति: मंगलबार, माघ १५, २०८१ १८:२७

प्रतिक्रिया दिनुहोस्