क्षेत्रवति माविमा शान्त जिरेलद्धारा अक्षयकोष स्थापना

बैतेश्वर गाउँपालिका

गृहपृष्ठ
बैतेश्वर गाउँपालिका

क्षेत्रवति माविमा शान्त जिरेलद्धारा अक्षयकोष स्थापना

इ दैनिक सहकर्मी बुधबार, माघ १६, २०८१

वैतेश्वर गाउँपालिका–८, क्षेत्रपा निवासी शान्त कुमार जिरेल (किस्मत) ले अक्षयकोष स्थापना गर्नुभएको छ । वैतेश्वर–८, क्षेत्रपामा अवस्थित क्षेत्रवति माध्यमिक विद्यालयको ५८ औं वार्षिक उत्सव तथा २८ औं अभिभावक दिवसको अवसरमा अक्षयकोष स्थापना गर्नुभएको हो ।

सदरमुकाम चरिकोटमा किस्मत होटल सञ्चालक तथा उद्यमी जिरेलले स्वर्गीय दाई प्रमोद जिरेलको स्मृतिमा विद्यालयलाई एक लाख रुपैयाँको अक्षयकोष स्थापना गर्नको लागि बुबा कुल बहादुर जिरेलले चेक हस्तान्तरण गर्नुभएको क्षेत्रवति माविका प्रधानाध्यापक ध्रुव कार्कीले जानकारी दिनुभयो ।

जिरेलले यसअघि आफ्नो जीवनी सम्बन्धी किस्मत पुस्तक प्रकाशन गर्नुभएको थियो । उक्त पुस्तक बिक्रीबाट विद्यालयलाई अक्षयकोष स्थापना गरेर वार्षिक ब्याजबाट जेहेन्दार विद्यार्थीलाई छात्रवृत्ति दिने घोषणा गर्नुभएको थियो । वार्षिक उत्सवकै अवसरमा जिरेलले लेख्नुभएको पुस्तक किस्मत पुस्तकालयमा राख्नको लागि १० थान प्रदान गरिएको पनि विद्यालयले जनाएको छ ।

जन्मदिनको अवसरमासमेत जिरेलले विभिन्न सामाजिक कार्यहरु गर्दै आउनुभएको छ ।

प्रकाशित मिति: बुधबार, माघ १६, २०८१ ०८:११

प्रतिक्रिया दिनुहोस्