झ्याँकुका एकै परिवारका ३ जना डाक्टर

गौरीशंकर गाउँपालिका

गृहपृष्ठ
गौरीशंकर गाउँपालिका

झ्याँकुका एकै परिवारका ३ जना डाक्टर

इ दैनिक सहकर्मी बुधबार, मंसिर १३, २०८०

सामान्य परिवारमा जन्मेका एकै घरका ३ जना डाक्टर बनेका छन् । दोलखा गौरीशंकर गाउँपालिका वडा नं. ४ झ्याँकुका दलित परिवारका ३ जनाले डाक्टर उतीर्ण गरेका हुन् । ५ जना दाजुभाई र एक जना बहिनी रहेका परिवारमा ३ जनाले डाक्टर पढेपछि अहिले गाउँमा चर्चाको विषय बनेको छ ।
   आफू डाक्टर बनेपछि भाईबहिनीहरुलाई पनि आफ्नै क्षेत्रमा तानिएको डाक्टर पदम नेपालीले बताउनु भयो । डाक्टर पदम नेपाली बीडिएस उतीर्ण गरेर एक वर्ष अगाडि मात्र स्वास्थ्य मन्त्रालय अन्तरगतको अध्ययन विदामा बीपी कोइराला स्वास्थ्य विज्ञान प्रतिष्ठानबाट एमडिएस अध्ययनसमेत पूरा गरेका छन् । अहिले उनी हेटौडा हस्पिटल मकवानपुरमा कार्यरत छन् । उनीले लोकसेवामा नाम निकालेर स्थायी भएको ७ वर्ष बितीसकेको छ । अहिले भाई गणेश नेपाली चितवन मेडिकल कलेजमा बीडिएस उतीर्ण गर्न दुई महिना बाँकी छ भने बहिनी निरमाया नेपाली नेशनल मेडिकल कलेज विरगंजबाट एमबीबीएस उतीर्ण गर्न एक महिना बाँकी छ । भाई र बहिनी दुवै जना सरकारी विद्यालय मानेडाँडा मावि झ्याँकुमा पढेका हुन् ।
   डाक्टर पदम नेपालीले शिक्षा मन्त्रालयबाट छात्रवृद्धि पाएर बीडिएस गरेका हुन भने भाई र बहिनीले पनि छात्रवृद्धिमै एमबीबीएस र बीडिएस गर्न लागेका हुन् । यदि आफ्नै खर्चमा एमबीबीएस उतीर्ण गर्नको लागि ४० देखि ५० लाख र बीडिएस उतीर्ण गर्नको लागि २० देखि ३० लाखसम्म लाग्ने गर्दछ । तर उनीहरु दुवै जनाले छात्रवृद्धि पाएकाले पढाउन सजिलो भएको डाक्टर पदम नेपालीले बताउनु भयो ।
   परिवारका अन्य दाजुभाईहरुमा २ जना शिक्षण पेशामा र एक जना वैदेशिक रोजगारमा छन् ।

प्रकाशित मिति: बुधबार, मंसिर १३, २०८० ०८:५२

प्रतिक्रिया दिनुहोस्