सिमीगाउँमा निर्मित स्वास्थ्य चौकी आज भवन उद्घाटन

गौरीशंकर गाउँपालिका

गृहपृष्ठ
गौरीशंकर गाउँपालिका

सिमीगाउँमा निर्मित स्वास्थ्य चौकी आज भवन उद्घाटन

इ दैनिक सहकर्मी मंगलबार, माघ २३, २०८०

दोलखाको गौरीशंकर गाउँपालिका ९ सिमीगाउँमा नवनिर्मित स्वास्थ्य चौकी भवन आज उद्घाटन गरिएको छ । सुविधासम्पन्न नवनिर्मित स्वास्थ्य चौकी भवनको आज गौरीशंकर गाउँपालिका अध्यक्ष विश्वास कार्कीद्धारा उद्घाटन गरिएको हो ।

सघन सहरी तथा भवन निर्माण आयोजना मन्थली रामेछापको ३ करोड लगानीमा २ तले भवन निर्माण गरिएको स्वास्थ्य चौकी इन्चार्ज धर्मेन्द्रजंग हमालले जानकारी दिनुभयो । उहाँका अनुसार २०७८ साल आर्थिक वर्षबाट सेवा सुरु भएको सो भवन २०७९ साल कात्तिकमा निर्माण सम्पन्न भएको हो । यस स्थानमा १० कोठाको २ तले भवन निर्माण सम्पन्न भएसँगै सिमीगाउँ, वेदिङ, नागाउँ र रिकुलगायतका स्थानीयले स्वास्थ्य सेवा पाउने छन् । यसअघि ३ कोठे अस्थायी टहराबाट बिरामीलाई सेवा दिदै आएका थिए ।

भवन उद्घाटन गौरीशंकर गाउँपालिका ९ का वडाअध्यक्ष ङिमगेली शेर्पाको अध्यक्षता र गाउँपालिका अध्यक्ष विश्वास कार्कीको प्रमुख आतिथ्यतामा भएको थियो । उक्त भवनको आज गौरीशंकर गाउँपालिका अध्यक्ष विश्वास कार्कीले उद्घाटन गरेका थिए । कार्यक्रममा गौरीशंकर गाउँपालिका प्रवक्ता युग बहादुर बस्नेत, गौरीशंकर स्वास्थ्य चौकी इन्चार्ज धर्मेन्द्रजंग हमाल र स्थानीयको उपस्थिति रहेका थिए ।

कार्यक्रममा स्वास्थ्य चौकी भवन निर्माणका लागि जग्गा दान गर्ने चने शेर्पा र यस वडामा २५ वर्षसम्म महिला स्वास्थ्य स्वयमसेविकाको रुपमा सेवा प्रदान गर्नुभएकी मैया श्रेष्ठलाई सम्मान गरिएको छ । जग्गादाता चने शेर्पाले ४ रोपनी जग्गा दान गर्नुभएको थियो ।

प्रकाशित मिति: मंगलबार, माघ २३, २०८० १७:४१

प्रतिक्रिया दिनुहोस्