कुमार बस्नेत नेपाल सौर्य उत्पादक संघमा

कालिन्चोक गाउँपालिका

गृहपृष्ठ
कालिन्चोक गाउँपालिका

कुमार बस्नेत नेपाल सौर्य उत्पादक संघमा

इ दैनिक सहकर्मी सोमबार, असार ३२, २०८१

कुमार बस्नेतलाई नेपाल सौर्य उत्पादक संघ (सेमन) को आन्तरिक लेखा परीक्षण समिति सदस्यमा मनोनित गरिएको छ । संघका अध्यक्ष कृष्णप्रसाद पराजुलीको अध्यक्षतामा बसेको ३४१ औं बैठकले बस्नेतलाई आन्तरिक लेखा परीक्षण समितिको सदस्यमा मनोनित गरिएको हो ।

बस्नेत दोलखा जिल्ला कालिञ्चोक गाउँपालिका–४, लामिडाँडा निवासी हुनुहुन्छ । लामो समयदेखि बस्नेत सौर्य उर्जा क्षेत्रमा कार्यरत हुनुहुन्छ । दोलखाको उत्तरी विकट क्षेत्र ना गाउँमा समेत गत वर्ष सौर्य उर्जा जडान गरी गाउँ झिलीमिली बनाएका थिए । त्यस्तै झ्याँकु, मेलुङ गाउँपालिकाका विभिन्न क्षेत्रमा सौर्य उर्जामार्फत पानी लिफ्टिङ गरेर पानीको व्यवस्था गरिएको अनुभव बस्नेतसँग छ । बस्नेतको यिनै उल्लेखीय कार्यको मूल्यांङ्कन गर्दै आन्तरिक लेखा परीक्षण समितिको सदस्यमा मनोनित गरिएको हो ।

प्रकाशित मिति: सोमबार, असार ३२, २०८१ ११:१७

प्रतिक्रिया दिनुहोस्