जिरी भ्रमण वर्ष २०८१ मा ५० हजार पर्यटक भित्र्याउने

जिरी नगरपालिका

गृहपृष्ठ
जिरी नगरपालिका

जिरी भ्रमण वर्ष २०८१ मा ५० हजार पर्यटक भित्र्याउने

इ दैनिक सहकर्मी शुक्रबार, असोज १८, २०८१

दोलखाको पर्यटकीय नगरी जिरीमा यस भ्रमण वर्ष २०८१ मा ५० हजार पर्यटक भित्र्याउने लक्ष्य लिएको छ । जिरी प्राकृतिक सुन्दरताको साथै पर्यटकको लागि पर्याप्त मात्रामा भौतिक संरचनाहरु निर्माण गरेको हुनाले यस वर्ष जिरी भ्रमण वर्ष घोषणा गरी ५० हजारभन्दा बढी पर्यटक भित्र्याउने लक्ष्य लिएको हो ।

रेडियोकर्मीहरुसँग अन्तरक्रिया कार्यक्रममा नगर प्रमुख मित्र बहादुर जिरेल

जिरी नगरपालिकाले आज रेडियोकर्मीहरुसँग पालिकाले आर्थिक वर्ष २०८०/०८१ मा सम्पादन गरेका योजनाहरु र भावी कार्यक्रम तथा योजनाको बारेमा नगर प्रमुख मित्र बहादुर जिरेलले सो जानकारी दिनुभएको हो । जिरी नगरपालिकाले यस वर्ष जिरीको पर्यटन र कृषि क्षेत्रमा विशेष कार्यक्रम सञ्चालन गर्ने र नगरपालिकाले नगरसभाबाट जिरीको पर्यटकीय गतिविधि बढाउन विभिन्न निकायहरुसँगको सहभागिता रहने नगर प्रमुख जिरेलले बताउनु भयो । भ्रमण वर्षको अवसरमा नगरपालिकाले विभिन्न मेला, महोत्सव, सेमिनार, पदयात्रा, साईक्लिङ्ग, खेलकुद, कृषि मेला लगायतका कार्यक्रम विभिन्न सरोकारवालाहरुसँगको समन्वय र सहकार्यमा सम्पन्न गर्ने छौ नगर प्रमुख जिरेलले बताउनु भयो ।

रेडियोकर्मीहरुसँग अन्तरक्रिया कार्यक्रममा प्रमुख प्रशासकीय अधिकृत पुरुषोत्तम सापकोटा

उक्त कार्यक्रमहरुमा मिडियाको समेत महत्वपूर्ण भूमिका रहने भएकाले उहाँले आग्रह समेत गर्नुभयो । नगरपालिको निकट भविश्यमा नै सरोकारवालाहरुबीच कार्यक्रमको र सहभागिताको मोडल र सहकार्यको खाका तयार गर्न छलफल गरिने पनि आज रेडियोकर्मीहरुसँग गरिएको अन्तरक्रिया कार्यक्रममा जानकारी दिनुभयो । कार्यक्रममा जिरी नगरपालिकाका नगर प्रमुख मित्र बहादुर जिरेल, उपप्रमुख कृष्णमाया बुढाथोकी, प्रमुख प्रशासकीय अधिकृत पुरुषोत्तम सापकोटालगायतका उपस्थिति रहेका थिए ।

प्रकाशित मिति: शुक्रबार, असोज १८, २०८१ १८:३१

प्रतिक्रिया दिनुहोस्