रोल्वालिङ क्षेत्रमा रहेको समदर महादेवथान अझै पुनर्निर्माण हुन सकेन

गौरीशंकर गाउँपालिका

गृहपृष्ठ
गौरीशंकर गाउँपालिका

रोल्वालिङ क्षेत्रमा रहेको समदर महादेवथान अझै पुनर्निर्माण हुन सकेन

इ दैनिक सहकर्मी सोमबार, साउन ६, २०८२

२०८१ साल असार २१ गते आएको भीषण पहिरोले बगाएको ऐतिहासिक तथा धार्मिक स्थल समदर महादेवथान अझै पुनर्निर्माण हुन सकेको छैन । समयमै निर्माण कार्य सुरु नहुँदा स्थानीय बासिन्दा र भक्तजन चिन्तित भएका छन् ।

स्थानीयवासीले समदर महादेवलाई गाउँको रक्षक देवता मान्दै आएका छन् । हिन्दु र बौद्ध दुबै समुदायले पूजाआजा गर्दै आएको यो स्थल ऐतिहासिक दृष्टिले महत्वपूर्ण मानिन्छ । समाजसेवी दावाछिरी शेर्पाका अनुसार रोल्वालिङको नामाकरणदेखि नै यहाँ पूजाआजा हुँदै आएको छ ।

च्छोरोल्पा हिमताल, दूधकुण्डा, टासीलाप्चापास र यलुुङपास जाने मार्गमै पर्ने भएकाले समदर महादेवथान पर्यटकका लागि समेत आकर्षणको केन्द्र रहँदै आएको छ । वर्षमा एकपटक विशेष जात्राका अवसरमा विभिन्न ठाउँबाट भक्तजन, लामा, धामीझाँक्रीजस्ता धार्मिक व्यक्तित्वहरू भेला हुने गरेका छन् । “धार्मिक र पर्यटकीय दृष्टिकोणले अत्यन्तै महत्वपूर्ण रहेको यो थलो तत्काल पुनर्निर्माण गर्नु आवश्यक छ,“ शेर्पाले भन्नुुभयो । स्थानीयवासी, भक्तजन र सरोकारवाला निकायहरू सबैसँग तत्काल निर्माणको पहल गर्न आग्रह गरिएको छ । गौरीशंकर गाउँपालिका–९ का वडाध्यक्ष ङिमागेली शेर्पाका अनुसार वडा कार्यालयले समदर महादेवथान पुनर्निर्माणका लागि आवश्यक पहल गरिरहेको छ ।

प्रकाशित मिति: सोमबार, साउन ६, २०८२ १८:०५

प्रतिक्रिया दिनुहोस्