गौरीशंकर–५ सुरीमा पाँचदिने अचार बनाउने तालिम

गौरीशंकर गाउँपालिका

गृहपृष्ठ
गौरीशंकर गाउँपालिका

गौरीशंकर–५ सुरीमा पाँचदिने अचार बनाउने तालिम

इ दैनिक सहकर्मी शुक्रबार, पुस १८, २०८२

गौरीशंकर गाउँपालिका–५ सुरीमा पाँचदिने अचार बनाउने तालिम सुरु भएको छ । गरिबी निवारणका लागि लघु उद्यम विकास कार्यक्रम अन्तर्गत आयोजना गरिएको उक्त तालिममा वडा नं. ५ का २२ जना स्थानीयको सहभागिता रहेको छ ।

पाँच दिनसम्म सञ्चालन हुने तालिममा सहभागीहरूलाई अचार बनाउने विभिन्न विधि, कच्चा पदार्थको उचित छनोट, सरसफाइ, प्याकेजिङ तथा बजार व्यवस्थापनसम्बन्धी व्यावहारिक ज्ञान प्रदान गरिने आयोजकले जानकारी दिएका छन् । तालिममार्फत सहभागीहरूको सीप अभिवृद्धि भई भविष्यमा आत्मनिर्भर बन्ने तथा आयआर्जनका अवसर सिर्जना हुने अपेक्षा गरिएको छ ।

तालिमको उद्घाटन गौरीशंकर गाउँपालिका–५ का वडाअध्यक्ष सुन्दर खड्काको अध्यक्षता तथा गाउँपालिकाकी उपाध्यक्ष उमा लुङ्गेली मगर शेर्पाको प्रमुख आतिथ्यतामा सम्पन्न भएको हो ।

पाँच दिनसम्म सञ्चालन हुने तालिमको सहजीकरण उद्यमी पार्वती खड्काले गर्नेछिन् । तालिममा गाउँघरमै सहज रूपमा उत्पादन हुने मुला, काउली, लप्सी, कागती, खुर्सानी तथा मासु लगायतका सामग्री प्रयोग गरी विभिन्न प्रकारका अचार तयार गर्ने अभ्यास गराइने प्रशिक्षक खड्काले जानकारी दिनुभयो ।

प्रकाशित मिति: शुक्रबार, पुस १८, २०८२ ०८:४६

प्रतिक्रिया दिनुहोस्