गौरीशंकरमा वडा स्तरीय फुटबलको उपाधि चंखुलाई

गौरीशंकर गाउँपालिका

गृहपृष्ठ
गौरीशंकर गाउँपालिका

गौरीशंकरमा वडा स्तरीय फुटबलको उपाधि चंखुलाई

इ दैनिक सहकर्मी बिहीबार, वैशाख ३, २०८३

दोलखाको गौरीशंकर गाउँपालिकामा आयोजित वडा स्तरीय फुटबल प्रतियोगिताको उपाधि वडा नं. ६ चंखुले जितेको छ । रोमाञ्चक फाइनल खेलमा चंखुले वडा नं. २ जुगुलाई १–० गोल अन्तरले पराजित गर्दै च्याम्पियन बन्न सफल भयो ।

प्रतिस्पर्धात्मक खेलमा चंखुले सुरुदेखि नै आक्रामक खेल प्रस्तुत गर्दै जुगुमाथि दबाब बनाएको थियो । निर्णायक गोल गर्दै खेल आफ्नो पक्षमा पार्न सफल भएपछि चंखुले उपाधि उचालेको हो ।

यसैगरी, प्रतियोगितामा वडा नं. ७ मार्बुले तेस्रो स्थान हात पारेको छ । तेस्रो स्थानका लागि भएको खेलमा मार्बुले झ्याँकुलाई २–१ गोल अन्तरले हराउँदै तृतीय स्थान सुरक्षित गरेको आयोजकले जनाएको छ ।

प्रतियोगिताले स्थानीय तहमा खेलकुद विकाससँगै युवाहरूमा आपसी सद्भाव र प्रतिस्पर्धात्मक भावना अभिवृद्धि गर्ने अपेक्षा गरिएको छ । फुटबल यही बैशाख १ गतेदेखि सुरु भएको थियो । विजेतालाई गाउँपालिकाले नगद पुरस्कार, प्रमाण पत्र शिल्डको व्यवस्था गरिएको छ ।

प्रकाशित मिति: बिहीबार, वैशाख ३, २०८३ १५:१८

प्रतिक्रिया दिनुहोस्