हनुमन्तेश्वर क्याम्पस प्रमुखमा ज्योति केसी नियुक्त

बैतेश्वर गाउँपालिका

गृहपृष्ठ
बैतेश्वर गाउँपालिका

हनुमन्तेश्वर क्याम्पस प्रमुखमा ज्योति केसी नियुक्त

इ दैनिक सहकर्मी शुक्रबार, जेठ १०, २०८२

वैतेश्वर गाउँपालिका काब्रेमा सञ्चालित त्रिभुवन विश्वविद्यालय अन्तर्गतको हनुमन्तेश्वर क्याम्पसको प्रमुखमा ज्योति केसी आपागाई नियुक्त भएकी छन् । क्याम्पस सञ्चालक समितिको विहीबार बसेको बैठकले रिक्त पदमा केसी आपागाईलाई क्याम्पस प्रमुखको जिम्मेवारी दिएको हो ।

२०४७ सालमा जन्मिएकी केसी आपागाईले २०७६ सालदेखि उक्त क्याम्पसमा प्राध्यापन सुरु गरेकी थिइन् । २०७९ सालमा सहायक क्याम्पस प्रमुख बनेकी उनी २०८० साल पुसदेखि निमित्त प्रमुखका रूपमा कार्यरत थिइन् ।

क्याम्पस सञ्चालक समिति अध्यक्ष ताराप्रसाद पन्तका अनुसार समितिको हालैको निर्णयले उनलाई औपचारिक रूपमा प्रमुखको जिम्मेवारी दिएको हो । शिक्षा संकाय अन्तर्गत शैक्षिक योजना तथा व्यवस्थापन, नेपाली, अंग्रेजी, गणितलगायत विषयमा स्नातक तहको अध्यापन गराउने क्याम्पसमा हाल ११० जना विद्यार्थी र १७ जना प्राध्यापक छन् ।

दोलखामा सञ्चालित ९ सामुदायिक क्याम्पसमध्ये हनुमन्तेश्वर क्याम्पसमा पहिलो पटक महिला क्याम्पस प्रमुख नियुक्त भएकी ज्योति केसी आपागाईले नेतृत्व सम्हालेकी हुन् ।

प्रकाशित मिति: शुक्रबार, जेठ १०, २०८२ १७:२१

प्रतिक्रिया दिनुहोस्