विद्यार्थीमाथि जातीय विभेदः पीडितद्धारा प्रहरीमा उजुरी

गौरीशंकर गाउँपालिका

गृहपृष्ठ
गौरीशंकर गाउँपालिका

विद्यार्थीमाथि जातीय विभेदः पीडितद्धारा प्रहरीमा उजुरी

इ दैनिक सहकर्मी बुधबार, पुस ४, २०८०

गौरीशंकर गाउँपालिका वडा नम्वर २ जुँगुमा जातीय छुवाछुत गरेको भन्दै ईलाका प्रहरी कार्यालय सुरीमा उजुरी परेको छ ।
वडा नम्वर २ जुँगुस्थित निलकण्ठेश्वर माध्यमिक विद्यालयमा आयोजना गरेको राष्ट्रपति रनिङ्ग सिल्ड प्रतियोगितामा सहभागी हुन पुगेका गौरीशंकर गाउँपालिका वडा नम्वर ६ चंखुका दलित समुदायका विद्यार्थीलाई जुुँगुमा होटल व्यवसाय गरी रहेका व्यवसायीले जातीय विभेद गरेको भन्दै पीडितहरुले प्रहरी कार्यालय सुरीमा उजुरी दर्ता गराएका हुन् । चंखुस्थित भुमेगुम्वा माध्यमिक विद्यालयबाट राष्ट्रपति रनिङ्ग सिल्ड प्रतियोगितामा सहभागिताको लागि पुगेका विद्यार्थीहरुलाई विद्यालयले व्यवस्थापन गरेको होटलमा बस्दा आफुहरु दलित रहेको थाहा पाएपछि होटलमा बस्न नमिल्ने भन्दै निकालिएको पीडितहरुले बताएका छन् ।

आफुहरु बस्ने होटलमा होटल व्यवसायीले जात के हो भनि सोधेको र आफुहरु विश्वकर्मा भनेपछि विश्वकर्मालाई घरभित्र राख्न नमिल्ने भन्दै निकालिएको पीडितहरुले निवदेनमा उल्लेख गरेका छन् । गौरीशंकर गाउँपालिकाले पालिकाको आयोजना र निलकण्ठेश्वर माध्यमिक विद्यालयको व्यवस्थापनमा जुँगुमा पाँचौ अन्तर पालिकास्तरीय राष्ट्रपति रनिङ्ग सिल्ड प्रतियोगिताको आयोजना गरेको थियो । स्थानीय सरकारले सञ्चालन गरेको कार्यक्रममा नै व्यवसायीक रुपमा सञ्चालन गरेको होटल व्यवसायीले दलित रहेकै कारणले विभेद गरेको भन्दै छुवाछुत कसुर अन्तर्गत कारवाहीको माग गरेको छ ।

पीडितहरुले दोषीमाथि कारवाहीको माग गर्दै निवेदन पेश गरेका छन् ।

प्रकाशित मिति: बुधबार, पुस ४, २०८० १७:१६

प्रतिक्रिया दिनुहोस्