दोलखाका सिडियोको गृह मन्त्रालयम सरुवा, नयाँ सिडियो रमेश शिवाकोटी आउँदै

राष्ट्रिय खबर

गृहपृष्ठ
राष्ट्रिय खबर

दोलखाका सिडियोको गृह मन्त्रालयम सरुवा, नयाँ सिडियो रमेश शिवाकोटी आउँदै गृह मन्त्रालयका सहसचिव रमेश सिवाकोटीलाई नयाँ प्रजिअ

इ दैनिक सहकर्मी बिहीबार, भदौ १८, २०७७

चरिकोट, १८ भदौ

गृह मन्त्रालयले दोलखाका प्रमुख जिल्ला अधिकारी भीमकान्ता शर्माको सरुवा गर्ने निर्णय गरेको छ । शर्मालाई गृह मन्त्रालयमा तानेको गृह उच्च स्रोतले जनाएको छ । तत्काली प्रमुख जिल्ला अधिकारी खगेन्द्र रिजाल घुस काण्डमा मुछिएर कारवाहीमा परेपछि शर्मा दोलखा आउनु भएको हो । यस अघि शर्मा सिन्धुपाल्चोकको सहायक प्रमुख जिल्ला अधिकारी हुनुहुन्छ ।

मन्त्रालयबाट आज भएको निर्णयअनुसार गृह मन्त्रालयका सहसचिव रमेश सिवाकोटीलाई नयाँ प्रजिअको जिम्मेवारी दिईएको हो । शिवाकोटी गृह जिल्लामा प्रमुख जिल्ला अधिकारी भएर आउन लाग्नु भएको हो । यस अघि दोलखमा उप सचिव स्तरबाट प्रमुख जिल्ला अधिकारी बनाईदै आएको अब देखी सह सचिव स्तरबाट प्रमुख जिल्ला अधिकारी पठाईन लागेको हो ।

यसै विच मन्त्रालयले उपसचिव कल्पना नेपाललाई काठमाडौँको सहायक प्रमुख जिल्ला अधिकारीमा सरुवा गर्ने निर्णयसमेत गरेको छ । पछिल्ला केही दिन यता मन्त्रालयले एक–दुई जना गरी सिडिओ फेरबदल गर्दै आएको छ । केही समयपछि नै सार्वजनिक भइहाल्ने सरुवाको निर्णय दिनसमेत आनाकानी गर्ने गृहले के कति कारणले सरुवा गरेको हो भन्ने जानकारी झन् दिने कुरै भएन । कोरोना महामारी चलिरहँदा कर्मचारी सरुवाकै कारण पनि सङ्क्रमण फैलिन सक्ने विषयमा चर्चा चलिरहँदा गृह, सामान्य, महालेखालगायत केही मन्त्रालय तथा निकायलाई यसबारे ख्याल राखेको भने देखिँदैन ।

प्रकाशित मिति: बिहीबार, भदौ १८, २०७७ १६:५१