तामाकोशी गाउँपालिकाले सबै नागरिकको कोरोना बिमा गरिदिने

तामाकोशी गाउँपालिका

गृहपृष्ठ
तामाकोशी गाउँपालिका

तामाकोशी गाउँपालिकाले सबै नागरिकको कोरोना बिमा गरिदिने गाउँपालिकाले कम्तिमा १२ हजार नागरिककोे कोरोना विमा हुने

शेर बहादुर भुजेल आइतबार, भदौ २८, २०७७

चरिकोट, भदौ २८

यस अगाडी पनि विभिनन लोकप्रिय काम गर्दै आएको दोलखाकोे तामाकोशी गाउँपालिकाले गाउँपालिका भित्रका सबै नागरिकको कोरोना बिमा गरिदिने अर्को लोकप्रिय कार्य थालनी गरेको छ ।

देशमा कोरोना संक्रमितको संख्या बढीरहेको भन्दै तामाकोशी गाउँपालिकाले आफ्ना सबै नागरिकहरुको कोरोना विमा गरिदिने निर्णय भएको गाउँपालिकाका अध्यक्ष ईश्वरचन्द्र पोखरेलले बताउँनु भयो ।

व्यक्ति, सहकारी र स्थानीय तहको लागत साझेदारीको आधारमा चालु आर्थिक बर्षमा तामाकोशी गाउँपालिकाले कम्तिमा १२ हजार नागरिककोे कोरोना विमा गरिदिने निर्णय भएको अध्यक्ष पोखरेलले जानकारी दिनु भयो ।

शनिवार सम्पन्न गाउँकार्यपालिकाको बैठकले सहकारी संस्थागत सहयोग तथा साझेदारी कार्यक्रमअन्र्तगत रहेको ९ लाख खर्च गरेर सो संख्याको कोरोना विमा गरि दिने निर्णय गरेको हो । बजेटले नपुगे आकस्मिक कोषबाट रकमान्तर गरेर भए पनि सबै नागरिकहरुको विमा गरिदिने अध्यक्ष पोखरेलले ई दैनिक खबरलाई जानकारी दिनु भयो ।

तामाकोशी गाउँपालिकामा रहेका सहकारीहरुको प्रस्तावमा शनिबार सम्पन्न कार्यपालिका बैठकले सहकारीको सदस्य भएमा सहकारीले एकसय, व्यक्तिले एकसय र गाउँपालिकाले एकसय गरी विमा गरिदिने व्यवस्था गरिएको अध्यक्ष पोखरेलले जानकारी दिनु भयो । सहकारीको सदस्य नभएमा विमा गर्ने व्यक्तिले दुईसय तिर्नु पर्ने र त्यसमा गाउँपालिकाले एकसय थप गरी विमा गरिदिने पोखरेलले बताउँनु भयो ।

तामाकोशी गाउँपालिकामा हालसम्म एकजनामा पनि कोरोना संक्रमण नदेखिएको भए पनि विमा कार्यक्रमबाट नागरिकहरुले लाभ लिन सक्ने गाउँपालिकाको आशा गरेको छ ।

प्रकाशित मिति: आइतबार, भदौ २८, २०७७ १०:४६