भीमेश्वर नगरपालिकामा हेल्प डेक्स स्थापना

भीमेश्वर नगरपालिका

गृहपृष्ठ
भीमेश्वर नगरपालिका

भीमेश्वर नगरपालिकामा हेल्प डेक्स स्थापना

इ दैनिक सहकर्मी बुधबार, कात्तिक २६, २०७७

चरिकोट, २६ कातिक

सेवाग्राहीहरुलाई सेवा लिन सहयोग गर्ने उद्धेश्यका साथ दोलखाको भीमेश्वर नगरपालिकामा सहायता कक्ष स्थापना गरिएको छ । भीमेश्वर नगरपालिकाको सेवा, कोरोना भाईरस ९कोभिड १९० र तयार नेपालबाट सञ्चालन गरिने कार्यक्रमका बारेमा सहज तरिकाले जानकारी दिने उद्देश्यले सहायता कक्षको स्थापना गरिएको हो ।

युएसआईडीको आर्थिक सहयोगमा तयार नेपाल मार्फत ग्रामीण विकास टुकी संघ दोलखाको सहजीकरण र भीमेश्वर नगरपालिका, दोलखाको सहकार्यमा सहायता कक्ष स्थापना गरिएको हो । सहायता कक्षमा एक जना कर्मचारीको समेत व्यवस्था गरिएको छ ।

नगरपालिकाको मतहातमा रहने गरी स्थापना गरेको सहायता कक्षमा डिजिटल प्रविधिको पनि प्रयोग गरि सेवाग्राहीलाई जानकारी प्रदान गरिनेछ । सहायता कक्षको उद्घाटन गर्नुहुँदै भीमेश्वर नगरपालिकाका नगर प्रमुख भरत बहादुर केसीले सहायता कक्षले सेवाग्राहीलाई सेवा लिन सजिलो हुने बताउनु भयो ।

सेवाग्राही कार्यालय प्रवेश गरेपछि अलमलिने र कहाँबाट कुन सेवा प्रवाह भईरहेको छ जानकारी लिन समस्या भएकाले आगामी दिनमा यस सहायता कक्षले सहयोग गर्ने बताउनुभयो । कार्यक्रममा भीमेश्वर नगरपालिकाका इञ्जिनियर सुरेस राउत, तयार नेपालका तारा तामाङ र भीमेश्वर नगरपालिकाकै माधव सुवेदीले मन्तव्य व्यक्त गर्नुभएको थियो ।

प्रकाशित मिति: बुधबार, कात्तिक २६, २०७७ १९:४१